2019-12-14 11:08:21

شه‌فه‌ق نيوز/ په‌نج پاريزگاى عراقى، خوه‌ينيشانداين له‌تيان ئه‌كريه‌ێد و خوه‌ينيشانده‌ره‌يليش تومه‌تبار حزبه‌يل سياسى ده‌سڵاتدار وه‌ گه‌نده‌ڵى ئه‌كه‌ن و داواى نه‌ه‌ندنيان ئه‌كه‌ن.

 

له‌ى باوه‌ته‌و، شايه‌تحاڵه‌يل باس له‌وه‌ ئه‌كه‌ن خوه‌ينيشانده‌ره‌يل له‌ پاريزگاى زيقار وه‌رده‌وامن له‌ خوه‌ينيشانداين له‌ مه‌يدان حه‌بوبى له‌ناوڕاس شار ناسريه‌ وه‌ل بڕين پيه‌ڵ زه‌يتون، له‌ ديوانيه‌يش خوه‌ينيشانده‌ره‌يل روێ له‌ مه‌يدان ساعه‌ كردنه‌ له‌وه‌رده‌م ته‌لار حكومه‌ت ناوچه‌يى و شماره‌يگ له‌ سه‌رۆك هۆزه‌يليش پشتگيرى له‌ خوه‌ينيشانداينه‌گه‌ ئه‌كه‌ن.

 

له‌شار كه‌ربه‌لاى پيرووزيش ده‌يان خوه‌ينيشانده‌ر له‌ مه‌يدان فلكه‌ى په‌روه‌رده‌ گرده‌و بوينه‌و له‌ شار نه‌جه‌ف پيرووزيش وه‌ هه‌مان شيوه‌ خوه‌ينيشانده‌ره‌يل له‌ مه‌يداان سه‌دره‌ين له‌ناوڕاس شاره‌گه‌ گرده‌و بوينه‌ وه‌لێ هويچ جاد و پيه‌ڵيگ دانه‌خرياگه‌.

 

جى باسه‌، له‌پاريزگاى به‌سره‌يش له‌ پايين باشوور عراق، ده‌يان كه‌س له‌ هاووڵاتيه‌يل ئه‌و شاره‌ له‌وه‌رده‌م سه‌رچه‌وه‌ى نه‌فى مه‌جنون له‌ باكوور پاريزگاگه‌ گرده‌و بوينه‌.

}