2019-03-08 13:37:00

شه‌فه‌ق نيوز/ مه‌حمود جه‌ياشى ئيمام و خوتبه‌ده‌ر جومعه‌ى كووفه‌، داوا له‌ حكومه‌ت عراقى و لايه‌نه‌يل وه‌رپرس كرد كرنترۆڵ پاشمه‌نده‌يل داعش بكه‌ن له‌وانه‌گ واينه‌ له‌جه‌نگ و رێ نه‌يه‌ن خراوه‌كارى بارنه‌ بان ئارامى و سه‌ڵامه‌تى هاووڵاتيه‌يل و باسيش له‌و روێداگه‌يل دوياخر پاريزگاى كه‌ركوكه‌و كوشتن و زه‌خمداركردن شماره‌يگ له‌ چه‌كداره‌يل حه‌شد شه‌عبييش كرد.

 

جياشى وت: وه‌رده‌وامبوين ئيچنه‌ حاڵه‌ته‌يليگ مه‌سه‌له‌يگ ره‌ته‌وكرياگه‌و داوا له‌ لايه‌نه‌يل ئه‌منى ئه‌كه‌يم وه‌گشت شيوازه‌يليان ئى مه‌سه‌له‌يله‌ له‌رێ يه‌خستنه‌وه‌ى هه‌وڵه‌يليان يه‌كلاوه‌ بكه‌ن و داوايش له‌ لايه‌نه‌يل وه‌رپرس ئه‌كه‌يم پاشمه‌نده‌يل داعش نه‌يلن و رێ نه‌يه‌ن وڵاته‌گه‌و سه‌ڵامه‌تى هاووڵاتيه‌يل ويران بكه‌ن و داوايش له‌ عراقيه‌يل كرد ته‌قه‌ له‌ بوونه‌يل نه‌كه‌ن و واز له‌ تون وتيژى و ناكووكى و ته‌قه‌كردن له‌يه‌كترى بارن.

 

جياشى هه‌ميش وت: با گشتلايگ له‌ڕوێ گه‌رده‌لويل گه‌ناته‌كارى بووسيه‌ن وه‌تايبه‌ت گه‌ناته‌كارى ئدارى و دارايى و ئه‌خلاقى و كۆمه‌ڵايه‌تى و ژيانمان له‌گشت لايگه‌و گرته‌سه‌ ئامانج و داوايش له‌ ده‌سڵاته‌يل ته‌شريعى و جيوه‌جيكار كرد بڕياريگ ئه‌را له‌ناوبردن گه‌ناته‌كارى ده‌ربكه‌ن و ئاسوو پيشكه‌فتن له‌وه‌رده‌م وڵاته‌كه‌ واز بكه‌ن و ئه‌خوازيم بوينيم كه‌ى زيندانه‌يل پڕ ئه‌كريه‌ن له‌ نه‌هه‌نگه‌يل كه‌ناته‌كارى ك زه‌ره‌د وه‌ ئيسه‌و ئاينده‌مان ره‌ساننه‌؟.

YesIraq