2018-09-22 08:20:00

شه‌فه‌ق نيوز/ قايمقانيه‌ت قه‌زاى خانه‌قين ئاشكراى له‌وه‌رگرتن ڕى وشوون ياسايى كرد دژ ئه‌و كه‌سه‌يله‌ پويل له‌ خاوه‌ن دوكانه‌يل وه‌رئه‌گرن له‌ بازاڕه‌يل ناو شاره‌گه‌.

 

له‌ى باوه‌ته‌و، قايمقاميه‌ت له‌ به‌ياننامه‌يگ ئه‌را شه‌فه‌ق نيوز ئه‌وه‌ ده‌رخست ك شكايه‌ته‌يليگ ره‌سيه‌سه‌ ديوان قايمقاميه‌ت له‌لايه‌ن ده‌يان كه‌سه‌و له‌خاوه‌ن دوكانه‌يل له‌ناو بازاڕ له‌باره‌ى ئه‌وه‌گ كه‌سه‌يليگ نه‌ناسرياێ داواى پويل له‌ليان ئه‌كه‌ن وه‌بى سه‌نه‌د ياسايى و هه‌ر وه‌و خاتريشه‌ محه‌مه‌د مه‌لا حه‌سه‌ن قايمقام شاره‌گه‌ رينمايى له‌وه‌رگرتن ڕى وشوونه‌يل ياسايى داگه‌ ده‌رهه‌ق كۆمه‌ڵه‌و ريكخرياگه‌يل يا كه‌سه‌يليگ و لايه‌نه‌يليگ ناحكومى ك ئى كاره‌يله‌ ئه‌نجام ئه‌يه‌ن وه‌شێوه‌يگ ناياسايى و سڵاى فه‌رمى له‌ى باوه‌ته‌و له‌ ديوان قايمقانيه‌ت نه‌يرن.

 

جى باسه‌، قايمقاميه‌ت داوايش له‌ گشت خاوه‌ن دوكانه‌يل كرد مامڵه‌ وه‌ل ئيچنه‌ لايه‌ن و كه‌سه‌يليگ نه‌كه‌ن و يه‌كسه‌ر ئاگادارى له‌بانيان بيه‌ن.

YesIraq