2018-09-27 16:56:00

شه‌فه‌ق نيوز/ ليژنه‌ى كاروبار خارجيه‌ له‌ كۆنگرس ئه‌مريكى پرووژه‌ ياسايگ ده‌ركرد ئه‌را روێ وه‌ڕوێ بوينه‌وه‌ى ده‌خاڵه‌تكارى ئيرانى له‌ كاروبار عراق.

 

ليژنه‌گه‌ له‌ به‌ياننامه‌يگ وت: ئى برياره‌ ده‌قه‌گه‌ێ ئه‌وه‌سه‌ سزا ئه‌خريه‌ێده‌ بان كه‌سايه‌تيه‌يليگ ئيرانى ك هه‌ڕه‌شه‌ له‌ ئاشتى و سه‌قامگيرى ئه‌كه‌ن له‌ عراق و له‌ى باوه‌تيشه‌و بيڵ رويس سه‌رۆك ليژنه‌گه‌يش ئه‌وه‌ ده‌رخست ك وه‌گووره‌ى به‌ڵگه‌ دسڵاته‌يل ئه‌مريكى ئه‌تويه‌نن وه‌رپرسيارێتى چالاكيه‌يل كوشنده‌ بخه‌نه‌ بان ئيران و ميليشيايه‌يلێ له‌ عراق.

 

جى باسه‌، به‌ياننامه‌گه‌ هه‌ميش وت: ئه‌و ميليشيايه‌يله‌ هه‌ڕه‌شه‌ن ئه‌را ملله‌ت عراق و به‌رژه‌وه‌نديه‌يل وڵاته‌يل يه‌كگرتگ له‌ عراق، ك زويتر له‌ى مانگه‌ وه‌ هاوه‌ن په‌لامار باليۆزخانه‌ى ئه‌مريكى دانه‌ له‌ به‌غدا.

YesIraq