2019-07-10 20:18:06

شه‌فه‌ق نيوز/ وه‌زاره‌ت خارجيه‌ى عراقى، ئاشكراى ئه‌وه‌ كرد شانديگى وه‌ سه‌رۆكايه‌تى محه‌مه‌د عه‌لى ئه‌لحه‌كيم وه‌زير خارجيه‌ له‌ توركيا باس له‌ بته‌وكرد په‌يوه‌ندى دولايه‌نه‌ى ناونى هه‌ردوگ وڵات كردنه‌.

 

له‌و باوه‌ته‌و، ئه‌حمه‌د سه‌حاف قسه‌كه‌ر وه‌ناو وه‌زاره‌ته‌گه‌ ئه‌را سبوتينيك وت: دانيشتنيگ گرنگ و له‌ئاست باڵا ئه‌نجام درياگه‌و له‌تى باوه‌ته‌يل فريه‌يگ و هاوبه‌شيگ تاووتوێ كرياگه‌.

 

سه‌حاف هه‌ميش وت: هه‌ردوگلا له‌و دانيشتنه‌ ريككه‌فتنه‌ له‌بان دامه‌زرانن ليژنه‌يل هاوبه‌ش له‌ لايه‌نه‌يل په‌يوه‌نديدار ئه‌را وه‌رده‌وامى له‌ تاووتوێكردن وه‌ مه‌به‌س وه‌ده‌سهاوردن ده‌رئه‌نجاميگ خاس و پيشكه‌شكردن پيشنياره‌يل تازه‌يگ ك به‌شدار بدێ له‌ به‌رزه‌وكردن و بته‌وكردن هاوكارى ئيسه‌ى ناونى هه‌ردوگ وڵات.

YesIraq
}