2019-12-30 08:32:56

شه‌فه‌ق نيوز/ محه‌مه‌د حه‌لبوسى سه‌رۆك ئه‌نجومه‌ن نوێنه‌ره‌يل، ئه‌و بۆردمانه‌ ئدانه‌ كرد ك هاته‌ تويش كه‌رته‌يليگ له‌ حه‌شد شه‌عبى و شماره‌يگ كوشياگ و زه‌خمدار له‌لى كه‌فته‌وه‌و له‌ هه‌مان وه‌خت وه‌ ده‌سدريژى ئه‌را بان سه‌روه‌رى عراق تاريفى كرد.

 

حه‌لبوسى له‌ به‌ياننامه‌يگ وت: له‌وه‌ختيگ ك داوا له‌گشتلايگ ئه‌كه‌يم دگان وه‌خوه‌يانا بگرن، دوينيم داواكاريه‌يليمان ئه‌وه‌سه‌ گشت هيزه‌يليگ له‌ژير فه‌رمان سه‌ركرده‌ى گشتى هيزه‌يل چه‌كدار بوون.

 

حه‌لبوسى جه‌خت له‌وه‌يش كرد بايه‌سه‌ مقه‌يه‌تى له‌ نێرده‌يل دبلۆماسى بكريه‌ێد و هيزه‌يل هاوپه‌يمانيش وه‌ داواكارى و ره‌زامه‌نى له‌ حكومه‌ته‌و وجوود ديرن له‌ناو خاكه‌يل عراق له‌وه‌ر ئه‌وه‌گ هه‌وڵه‌يل يه‌كه‌و بخريه‌ێد ئه‌را ته‌واوكردن جه‌نگ جژ ريكخرياگ تيرۆريستى داعش.

}