2019-04-20 17:36:00

شه‌فه‌ق نيوز/ شاكر حامد قسه‌كه‌ر وه‌ناو سه‌رۆك ئه‌نجومه‌ن نوێنه‌ره‌يل باس ده‌خاڵه‌ت ده‌وڵه‌ته‌يل هاوسا كرد له‌ كاروبار عراق، وه‌لێ له‌ هه‌مان وه‌خت باسيش له‌وه‌ كرد كاريگه‌رى كه‌ميگ ديرێد و ئاماژه‌ وه‌يه‌يش كرد ئاست ئاڵوگووڕ بازرگانى له‌ناونى عراق و توركيايش ره‌سيه‌سه‌ 10 مليار دۆلار ساڵانه‌.

 

حامد له‌ كۆنگره‌يگ رووژنامه‌گه‌رى دوياى كوتاييهاتن لوتكه‌ى په‌رله‌مانه‌يل وڵاته‌يل هاوسا له‌ به‌غداى پايته‌خت وت: حه‌جم ئاڵوگووڕ بازرگانى وه‌ل توركيا ره‌سيه‌سه‌ 10 مليار دۆلار ساڵانه‌و يه‌يش ده‌رخست ك حه‌لبوسى باس له‌ قويلايى ئاڵوگووڕ بازرگانى له‌ناونى عراق و ده‌وڵه‌ته‌يل هاوساى كردگه‌.

 

حامد له‌باره‌ى ده‌خاڵه‌ت وڵاته‌يل هاوسايش وت: ده‌خاڵه‌ته‌يليگ بويه‌ له‌ وڵاته‌يل هاوساوه‌ وه‌رجه‌ دامه‌زرانن حكومه‌ت، وه‌لێ فراوان نه‌ويه‌ و وتيش: هه‌وڵه‌يل هه‌رسێ سه‌رۆكايه‌تى له‌ عراق كاريگه‌رى له‌بان وتار سياسى وڵاته‌يل هاوسا كردگه‌.

YesIraq