2018-11-18 06:56:00

شه‌فه‌ق نيوز/ عه‌مار حه‌كيم سه‌رۆك ره‌وت حكمه‌ وه‌ل فوئاد حسێن جيگر سه‌رۆك وه‌زيره‌يل ئه‌را كاروبار ئابورى و وه‌زير دارايى باس له‌ په‌ره‌داين سياسه‌ت دارايى و بودجه‌ى گشتى كرد.

 

نويسينگه‌ى سه‌رۆك ره‌وت حكمه‌ له‌ به‌ياننامه‌يگ وت: حه‌كيم جه‌خت له‌ خواست په‌ره‌داين وه‌ سياسه‌ت دارايى كردگه‌ وه‌ گووره‌ى پێوه‌ره‌يل تازه‌ و جيوه‌جيكردن به‌رزترين سوود ئه‌را ده‌وڵه‌ت عراقى و داواى ده‌رچگن له‌ بيرۆكراتى ئدارى كردگه‌ له‌وه‌ر په‌ره‌سه‌ندن و داهێنان.

 

جى باسه‌، له‌باره‌ى بودجه‌يش، حه‌كيم داواى پشتبه‌سانن وه‌ بودجه‌ى پرووژه‌يل كرد له‌جياى بودجه‌ى شماره‌يل، وه‌ ئه‌وه‌گ بايه‌سه‌ بودجه‌ له‌بان هه‌وجه‌يل و ئه‌وله‌ويات بنيات بنريه‌ێد.

YesIraq