2018-09-24 07:17:00

شه‌فه‌ق نيوز/ قاسم موسڵح سه‌ركرده‌ى فه‌رمانده‌يى حه‌شد شه‌عبى محوه‌ر خوه‌رئاواى ئه‌نبار، تومه‌تبار هيزه‌يل دانيماركى كرد وه‌ ئه‌وه‌گ باره‌گايه‌يل حه‌شد له‌ قه‌زاى قائم له‌ خوه‌رئاواى پاريزگاگه‌ وه‌ هه‌يشت قازيفه‌ى مه‌دفه‌عى بوردمان كردنه‌.

 

موسڵح وه‌ گووره‌ى ماڵپه‌ڕ فه‌رمى حه‌شد شه‌عبى وتك له‌ سه‌عات هه‌يشت دويه‌كه‌ ئيواره‌ سه‌ربازگه‌يگ سه‌ر وه‌ حه‌شد له‌ ناوچه‌ى سعده‌ له‌ قه‌زاى قائم تويش بۆردومان مه‌دفه‌عى هيزه‌يل دانيماركى سه‌ر وه‌ هاوپه‌يمان ناوده‌وڵه‌تى هاتگه‌ ك جيگيرن له‌ بنگه‌ى سه‌ربازى فۆسفات له‌ بياوان خوه‌رئاواى ئه‌نبار.

 

موسڵح هه‌ميش وت: ئه‌و قازيفه‌يله‌ له‌ نزيك سه‌ربازگه‌ى حه‌شد شه‌عبى كه‌فتنه‌و ئيمه‌يش له‌يوا تاريفى ئه‌كه‌يم وه‌ دڵ ئه‌نقه‌ز بويه‌ له‌لايه‌ن هيزه‌يل بيگانه‌ ئه‌را بان كه‌رته‌يل حه‌شد شه‌عبى، وه‌لێ وه‌ گووره‌ى سه‌ركردايه‌تى فه‌رمانده‌يى جزيره‌ ئه‌و قازيفه‌يله‌ ته‌جريبى بويه‌.

YesIraq