2018-10-15 16:57:00

شه‌فه‌ق نيوز/ به‌شير حه‌داد جيگر دويه‌م سه‌رۆك ئه‌نجومه‌ن نوێنه‌ره‌يل عراقى، جه‌خت له خواست مقه‌يه‌تيكردن مافه‌يل گشت پيكهاته‌يل ملله‌ت عراقى كرد و له‌وانه‌يش كورده‌يل فه‌يلى چوينكه‌ تويش سته‌م و له‌ناوبردن وه‌جه‌م هاتن له‌سه‌رده‌م رژيم وه‌رين ئه‌را ماوه‌ى ده‌يان ساڵ.

 

حه‌داد له‌ وه‌خت ديدارى وه‌ل شاند ده‌سه‌ى هه‌ماهه‌نگى باڵاى كورده‌يل فه‌يلى و شماره‌يگ له‌ كه‌سايه‌تيه‌يل و ده‌مچه‌رمگه‌يل عه‌شاير كورد فه‌يلى له‌ به‌غدا و دياله‌و واست جه‌خت له‌بان گرنگى هاوردنه‌وه‌ى ماف فه‌يليه‌يل و ماڵ و موڵكه‌يليان و ده‌سه‌وه‌ركردن ماف كه‌س وكار شه‌هيده‌يل و بيسه‌رووونه‌يل له‌ جايه‌ڵه‌يليان كرد و وت: بايه‌سه‌ ئنساف بكريه‌ن وه‌ كاراكردن برياره‌يل دادگاى باڵاى تاوانه‌يل.

 

حه‌داد هه‌ميش وت: كورده‌يل فه‌يلى پيكهاته‌يگن ره‌سه‌ن له‌ى ملله‌ت و بايه‌سه‌ وه‌پاى ياسا مافه‌يليان باريه‌ێده‌و دوسيه‌يليان نمايش بكريه‌ێد ئه‌را كۆمه‌ڵگاى ناوده‌وڵه‌تى.

 

لاى خوه‌ييشه‌و، شانده‌گه‌ داواى داناين ياسايگ تايبه‌ت وه‌ كورده‌يل فه‌يلى كردن ك كه‌فاله‌ت هوردنه‌وه‌ى مافه‌يل نه‌ته‌وه‌يى و رووشنهويرييان بكا وه‌ل هاوردنه‌وه‌ى ماڵ و موڵكه‌يل زه‌فتكرياگيان.

YesIraq