2018-12-12 18:02:00

شه‌فه‌ق نيوز/ به‌شير حه‌داد جيگر دويه‌م سه‌رۆك ئه‌نجومه‌ن نوێنه‌ره‌يل، پيشوازى له‌ شماره‌يگ له‌ خيزان و كه‌سوكار قوربانيه‌يل كوشتارگه‌ى سپايكه‌ر كرد.

 

نويسينگه‌ى جيگر سه‌رۆك ئه‌نجومه‌ن له‌ به‌ياننامه‌يگ ئه‌را شه‌فه‌ق نيوز وت: حه‌داد گووش له‌ مه‌ينه‌تيه‌يل دڵته‌نگ ئه‌و خيزانه‌يله‌ گرتگه‌و جه‌خت له‌وه‌ كردگه‌ ك داواكاره‌يليان و مافه‌يل  ئنسانى ره‌واو ياساييه‌ و وتگه‌ كار له‌بان ئنسافكردنيان ئه‌كه‌يم له‌ى خول نوێنه‌رايه‌تيه‌و هه‌وڵ و ته‌قه‌لامان ئه‌خه‌يممنه‌ كار ئه‌را يه‌كلاكردنه‌وه‌ى ئى مه‌سه‌له‌.

 

جى باسه‌، به‌ياننامه‌گه‌ هه‌ميش وت: دوسيه‌ى سپايكه‌ر فريه‌ گرنگه‌، چوينكه‌ په‌يوه‌سه‌ وه‌ ماف ئاده‌ميزاد و شوونه‌وار ئحساس گشتلايگ و بويه‌سه‌ جى گرنگى ريكخرياگه‌يل ناوده‌وڵه‌تى و قوربانيه‌يليش له‌ رووڵه‌يل ئى وڵاته‌نه‌.

YesIraq