2019-01-24 17:05:00

شه‌فه‌ق نيوز/ به‌شير حه‌داد جيگر سه‌رۆك ئه‌نجومه‌ن نوێنه‌ره‌يل عراقى، جه‌خت له‌ خواست به‌شدارى ژنه‌يل كرد له‌ داناين بڕيار له‌ عراق.

 

به‌شير له‌ وته‌يگى له‌ كۆنگره‌ى گشتى كلكرياگ نه‌ته‌وه‌يل يه‌كگرتگ له‌ به‌غدا ئه‌را ئاشكراكردن ده‌سوه‌پيكردن كاره‌يل كۆمه‌ڵه‌ى راوێژكارى ژنه‌يل په‌يوه‌س وه‌ ئاشته‌وايى و سياسه‌ت باس له‌ گرنگى ده‌ركه‌فتن رۆڵ كاراى ژنه‌يل كرد له‌ ده‌زگايه‌يل ده‌وڵه‌ت و وت ئيمه‌ هه‌ميشه‌ هه‌وڵ ئه‌يه‌يم ژنه‌يل به‌شدار بوون له‌ گشت بواره‌يل و له‌وانه‌يش بوار سياسى و نه‌فوه‌رگرتن له‌ ئه‌زموونه‌يلێ و پيشكه‌شكردن راوێژ سياسى و ده‌سميه‌تداين حكومه‌ت ئه‌را سه‌رخستن هه‌ر پرووژه‌يگ نيشتمانى.

 

جى باسه‌، حه‌داد باس له‌وه‌يش كرد ك عراق چه‌وه‌ڕێ ئاڵشتكاريه‌يليگ سياسى و ئه‌منى ئه‌كاو ته‌نانه‌ت له‌بان ئاست جيگيركردن ياساو بڕياره‌يليش و ئاماژه‌ وه‌يه‌يش كرد ك ديديگ راسكانى و هاوبه‌ش هه‌س له‌لايه‌ن هيزه‌يل نيشتمانى و سه‌ركرده‌يل سياسى ئه‌را يكخستنه‌وه‌ى هه‌ڵويسته‌يل و ئاماده‌كردن كه‌شيگ گونجياێ ئه‌را چاره‌سه‌ر كيشه‌و قه‌يرانه‌يل ك ماوه‌ى ساڵه‌يليگه‌ روێ له‌ وڵاته‌گه‌ كردگه‌.

YesIraq