2019-03-01 16:35:00

شه‌فه‌ق نيوز/ ئه‌حمه‌د سه‌حاف قسه‌كه‌ر وه‌ناو وه‌زاره‌ت خارجيه‌ى، ئاشكراى جواودانه‌وه‌ى ئه‌و بانگه‌وازه‌يله‌ كرد ك له‌لايه‌ن خوه‌ندكاره‌يل زانكۆيى عراقييه‌و پيشكه‌ش كريا له‌ جۆرجيا ئه‌را تازه‌كردنه‌وه‌ى پاسه‌پۆرته‌يليان ك كوتايى وه‌پى هاتگه‌.

 

سه‌حاف له‌ به‌ياننامه‌يگ وت: وه‌زاره‌ت خارجيه‌ بانگه‌واز شماره‌يگ له‌ خوه‌ندكاره‌يل عراقى وه‌پى ره‌سيه‌ له‌وانه‌گ له‌ جۆجريا ئه‌خوه‌نن ئه‌را ئه‌وه‌گ ده‌خاڵه‌ت بكا له‌ تازه‌كردنه‌وه‌ى پاسه‌پۆرته‌يليان و تازه‌كردنه‌وه‌ى ئيقامه‌ى بڕيگ له‌ خوه‌ندكاره‌يل.

 

سه‌حاف هه‌ميش وت: ئيمه‌ له‌لاى خوه‌مانه‌و قسه‌ وه‌ل وه‌زاره‌ت ناوخوه‌يى عراقى كرديمنه‌ وه‌ ئه‌وه‌گ په‌يوه‌نديداره‌ وه‌ مه‌سه‌له‌گه‌و ئه‌ويش جواو پيشنيارمان داسه‌وه‌و شانديگ ئه‌را جۆرجيا دامه‌زرانگه‌ و وه‌زاره‌ت خارجيه‌يش له‌لاى خوه‌يه‌و كار له‌بان چاره‌سه‌ر ئه‌و كيشه‌يله‌ ئه‌كا.

YesIraq