2019-04-24 07:40:00

شه‌فه‌ق نيوز/ وه‌زاره‌ت كاره‌با ئاشكراى وه‌رده‌وامى فشارداين غاز هاورده‌ له‌ ئيرانه‌و كرد وه‌ بڕ 28 مليۆن قه‌ده‌م سێجاى رووژانه‌ له‌وه‌ر پڕه‌وكردن هه‌وه‌جه‌ى ويسته‌يل به‌رهه‌مهاوه‌ر وه‌ل وه‌پيداين عراق 1200 ميگاوات له‌ كاره‌با.

 

له‌ى باوه‌ته‌و، موسعه‌ب موده‌ڕس قسه‌كه‌ر وه‌ناو وه‌زاره‌ته‌گه‌ له‌ لێدوانيگ ئه‌را رووژنامه‌ى ئه‌لسه‌باح نيمچه‌ فه‌رمى وت: عراق حاڵ حازر نزيكه‌ى 28 مليۆن قه‌ده‌م غاز رووژانه‌ هاورده‌ ئه‌كا ك هه‌وه‌جه‌ى بڕيگ له‌ وێسته‌گه‌يل پڕه‌و ئه‌كا.

 

جى باسه‌، موده‌ڕس هه‌ميش وت: لايه‌ن ئيرانى وه‌رده‌وامى له‌ داين كاره‌با وه‌ عراق وه‌ بڕ 1200 ميگاوات رووژانه‌ ك سيسته‌م نيشتمانى پڕه‌و ئه‌كاو وه‌ئه‌وه‌يش بڕ وه‌زه‌ ك عراق له‌ ئيرانه‌و هاورده‌ى ئه‌كا ئه‌ڕه‌سێده‌ 4700 ميگاوات، يه‌يش له‌ حاڵه‌تيگ سه‌رچه‌وه‌يگ له‌ وه‌زاره‌ته‌گه‌ باس له‌وه‌ كرد ك لێدوانه‌يل وه‌زير خارجيه‌ى ئه‌مريكى وه‌زاره‌ته‌گه‌ ناگرێده‌و له‌باره‌ى هاورده‌كردن كاره‌با، به‌ڵكوو بڕيگ ده‌وڵه‌ت ئه‌گريده‌و ك مامڵه‌ وه‌ل لايه‌ن ئيرانى ئه‌كه‌ن ئه‌را سه‌ندن نه‌فت خام له‌لى.

YesIraq