2019-01-27 07:41:00

شه‌فه‌ق نيوز/ غالب محه‌مه‌د عه‌لى ئه‌ندام ئه‌نجومه‌ن نوێنه‌ره‌يل له‌بان فراكسيۆن بزووتنه‌وه‌ى گۆڕان، ئدانه‌ى بۆردومانه‌يل توركى كرد له‌ ناحيه‌ى شيلادزێ له‌ پاريزگاى دهۆك ك بويه‌ هووكار كوشيان دو كه‌ش و زه‌خمداركردن ده‌يان خوه‌ينيشانده‌ر تر له‌وانه‌گ چينه‌ ناو باره‌گايه‌يل سوپاى توركيا له‌ئاكام بودمانه‌يل و داوا له‌ حكومه‌ت و په‌رله‌مان كرد هه‌ڵويست فه‌رمى نيشان بيه‌ن له‌و ده‌سدريژيه‌يل دوباره‌ كرياگه‌ ك له‌لايه‌ن توركياوه‌ ئه‌نجام ئه‌دريه‌ێد ئه‌را بان خاكه‌يل عراقى.

 

عه‌لى له‌ به‌ياننامه‌يگ ئه‌را شه‌فه‌ق نيوز وت: ئدانه‌ى ئه‌و كرده‌وه‌يل هيزه‌يل توركيه‌ ئه‌كه‌يم ك چه‌ك وه‌رانوه‌ر خوه‌ينيشانده‌ره‌يل هاورده‌سه‌ كار و بويه‌ هووكار شه‌هيدبوين دو كه‌س له‌ هاووڵاتيه‌يل و زه‌خمداركردن نزيكه‌ى 10 كه‌س تر ك زويتر وه‌ بوردۆمانيگ له‌لايه‌ن ته‌ياره‌يل توركياوه‌ ده‌سوه‌پيكرد له‌ شماره‌يگ له‌ ئاوايى و ناوچه‌يل قه‌زاى ئامێدى له‌ پاريزگاى دهۆك له‌ هه‌رێم كوردستان.

 

ئه‌و ئه‌ندام په‌رله‌مانه‌ هه‌ميش وت: ئه‌وه‌گ توركيا ئه‌نجامى ئه‌ياد له‌و دوباره‌ كردنه‌وه‌ى بۆردومانه‌يله‌ ئه‌را بان خاكه‌يل عراقى ده‌سدريژى ئاشكرايگه‌و ك عراق و حكومه‌ت و ملله‌ته‌گه‌ى ره‌تيه‌و ئه‌كه‌ن و هه‌ر وه‌و خاتريشه‌ داوا له‌ په‌رله‌مان ئه‌كه‌يم هه‌ڵويست له‌و په‌لاماره‌يل دوباره‌ كرياگه‌ وه‌ربگرێد و داوايش له‌ حكومه‌ت ئه‌كه‌يم گشت ڕێيگ بگرێده‌ وه‌ر ئه‌را كووتايهاوردن وه‌ وجوود توركى له‌ناو خاكه‌يل عراقى و كار له‌بان مقه‌يه‌تيكردن هاووڵاتيه‌يل بكا له‌ هه‌رێم كوردستان.

YesIraq