2019-02-28 07:26:00

شه‌فه‌ق نيوز/ ره‌وت "به‌در نيشتمانى" ئاشكراى جيابوينه‌وه‌ى خوه‌ێ له‌ ريكخرياگ "به‌در" كرد وه‌ سه‌رۆكايه‌تى هادى عامرى و ره‌خنه‌ێ تونيش له‌ سه‌ركردايه‌تى ئيسه‌ى ئه‌و ريكخرياگه‌ گرت و تومه‌تبارى وه‌ ئه‌وه‌ كرد پلان له‌بان عراق ده‌رئه‌كاو سته‌مكاره‌و بايه‌سه‌ دادگايى بكريه‌ێد.

 

ره‌وت به‌در نيشتمانى له‌ به‌ياننامه‌يگ وت: سه‌ركرده‌يل ئيسه‌ى ريكخرياگ به‌در له‌ مه‌سه‌له‌ێ مقه‌يه‌تيكردن له‌ ميرات شه‌هيده‌يل و به‌رژه‌وه‌ندێ نيشتمان و جێ,ه‌جيكردن ئاره‌زوو ملله‌ت و ئاره‌زوو خود به‌دريه‌يل شكه‌ست هاوردنه‌و بيبه‌شيان كردنه‌ له‌ مافه‌يليان بيجگى شكه‌شت له‌ سياسه‌ت ته‌كڕه‌وێ.

 

به‌ياننامه‌گه‌ هه‌ميش وت: سياسه‌ته‌يل ريكخرياگ به‌در جى ئوميد نيه‌و چه‌فتيه‌يل فريه‌و ئاشكرايگ ديرێد و له‌ ريڕه‌و راسكانى خوه‌ى لاداگه‌ ك شه‌هيده‌يل فريه‌يگ ئه‌راى داگه‌.

 

جى باسه‌، كه‌ريم ئه‌لنورى سه‌ركرده‌ له‌ ريكخرياگ به‌در باس له‌وه‌ كرد وت: من هويچ په‌يوه‌ندييگ وه‌و به‌ياننامه‌ نه‌يرم و به‌شيگ نييم له‌لى و ناگرمه‌ێ خوه‌م و من هيمان به‌درييم و هويچ كه‌سيگيش ماف ئه‌وه‌ نه‌يرێد ئه‌و ناسناوه‌ له‌ليم بسينێده‌و .

YesIraq