2019-05-21 09:41:59

شه‌فه‌ق نيوز/ تيميگ ناونه‌ته‌وه‌يى ك په‌جوورى له‌و‌ كوشتارگه‌يله‌ ئه‌كا هاته‌سه‌ تويش ئێزيديه‌يل له‌ عراق، تويه‌نست 12 قه‌ورسان وه‌جه‌م بوينێده‌و، ك كار له‌بان گرده‌وكردن به‌ڵگه‌يل ئه‌كاو شايه‌ت له‌وه‌رده‌م دادگاى عراقى يا دادگايه‌يل تر نيشتمانى وه‌كار باريه‌ێد جوور ئه‌وه‌گ له‌ راپۆرتيگ نه‌ته‌وه‌يل يه‌كگرتگ ئاماژه‌ وه‌پيكرياگه‌ له‌ فرانس پرێس.

 

ئه‌نجومه‌ن ئاسايش ناوده‌وڵه‌تى له‌ 2017 ريككه‌فت له‌بان وازكردن په‌يجوورييگ ناونه‌ته‌وه‌يى ئه‌را جه‌ختكردن له‌وه‌گ ريكخرياگ تيرۆريستى داعش دادگايى ئه‌كريه‌ێد له‌بان ئه‌و تاوانه‌يله‌ ك ئه‌نجامى داگه‌ له‌ عراق و سوريا، ئه‌ويش دوياى ئه‌وه‌گ ئه‌و دوسيه‌ له‌لايه‌ن ناديه‌ موراد چالاكوان ئێزيدى و ئه‌مه‌ل كلۆنى پارێزه‌ر تايبه‌تمه‌ند له‌ ياساى ناوده‌وڵه‌تى و مافه‌يل ئاده‌ميزاد به‌رزه‌و كريا.

 

جى باسه‌، نه‌ته‌وه‌يل يه‌كگرتگ وت: 48 كه‌س له‌ تيميگ گرده‌و بوينه‌ ئه‌را هه‌ڵدانه‌وه‌ى قه‌ورسانه‌يل وه‌جه‌م ك هاته‌سه‌ تويش كه‌مينه‌ى ئێزيدى له‌لايه‌ن ريكخرياگ تيرۆريستى داعشه‌و و يه‌يش ده‌رخست ك تيم ناونه‌ته‌وه‌يى گفتگوو وه‌ل ده‌سڵاته‌يل عراقى ئه‌نجام ئه‌ياد ئه‌را ره‌سين وه‌ ريككه‌فتنيگ له‌وه‌ر راده‌سكردن به‌ڵگه‌و ئاماده‌يشه‌ جيوازى بكا ئه‌را دادگايه‌يل تر له‌وه‌ر پرس وپرسكارى تاوانباره‌يل داعش.

YesIraq