2019-05-02 10:05:08

شه‌فه‌ق نيوز/ يه‌كێتى ئسلامى توركمان عراق باس له‌ دابه‌شكردن پۆسته‌يل كرد له‌ ده‌سه‌يل سه‌روه‌خوه‌ى و دام و ده‌زگايه‌يل تر حكومه‌ت عراقى وه‌شيوه‌يگ ژير وه‌ژير و وه‌بى ئاگاى توركمان.

 

له‌ى باوه‌ته‌و، جاسم محه‌مه‌د جه‌عفه‌ر به‌ياتى ئه‌ميندار گشتى يه‌كێتيه‌گه‌ له‌ لێدوانيگ وت: ليژنه‌يل ژير وه‌ژير كار ئه‌كه‌ن ئه‌را هه‌ڵوژانن 1200 پۆست له‌ پۆسته‌يل حكومى ك وه‌ وكاله‌ت وه‌ڕيه‌وبه‌ر بريه‌ن له‌ 2003 تائيسه‌و ئه‌و ليژنه‌يله‌ تا حزيران ئاينده‌ ئه‌و پۆسته‌يله‌ يه‌كلاوه‌ ئه‌كه‌ن.

 

جى باسه‌، به‌ياتى هه‌ميش وت: من سه‌رم سوڕمينێد له‌ى دابه‌شكردن ئى پۆسته‌يله‌ دوير له‌ حزب و فراكسيۆنه‌يل تر په‌رله‌مانى و وه‌بى هويچ راوێژيگ يا ديداريگ وه‌ليانا ئه‌را هه‌ر پۆستيگ ئه‌را نه‌ته‌وه‌ى توركمان و يه‌يش نگه‌ران پيكهاته‌ى توركمان و سه‌ركرده‌و حزبه‌يلى ئه‌كاو دوايش له‌ سه‌رۆك وه‌زيره‌يل و هه‌ردوگ كوتله‌ى خاسسازى و بنياتنان كرد دادگه‌رى له‌وه‌رچه‌و بگرن و زوڵمايه‌تى دويره‌و بخريه‌ێد له‌ توركمان وه‌ ئه‌وه‌گ 10% له‌و پۆسته‌يله‌ بايه‌سه‌ به‌ش توركمان بدێ.

YesIraq