2019-04-16 06:26:00

شه‌فه‌ق نيوز/ رووژنامه‌ى "يه‌ديعوت ئه‌حرونوت" ئسرائيلى, راپۆرتيگ له‌باره‌ى ئه‌و وێنه‌يله‌ بڵاو كرد ك له‌لايه‌ن ته‌ياره‌يگ سيخوڕى ئه‌مريكيه‌و"يو تو"گيريانه‌ له‌وه‌خت جه‌نگ سه‌رد, ك سيخوڕى له‌بان ده‌وڵه‌ته‌يل عه‌ره‌بى كردگه‌.

 

رووژنامه‌گه‌ وت: ئه‌و وێنه‌يله‌ ئاشكرا كريانه‌ ك په‌يوه‌سه‌ وه‌ مسر و ئوردن و سعوديه‌و ده‌وڵه‌يل خوه‌رهه‌ڵات ناوين، وه‌لێ وێنه‌ى په‌يوه‌س وه‌ ئسرائيل تائيسه‌يش نهێنيه‌.

 

رووژنامه‌گه‌ وت: هه‌واڵگيرى ناوه‌ندى ئه‌مريكى، وێنه‌يگ بڵاو كردگه‌ له‌تى شوونه‌واره‌يليگ فريه‌ى مێژوويى ده‌رئه‌كه‌فێد له‌ مسر له‌ ناوچه‌ى نيل و له‌ شار نه‌مرود له‌ عراق، ك وه‌گووره‌ى رووژنامه‌گه‌ ئه‌و وێنه‌يله‌ له‌ به‌رزايى نزيكه‌ى 70 هه‌زار قه‌ده‌م ك ئه‌كاده‌ نزيكه‌ى 21 كيلۆمه‌تر له‌ ئاسمانه‌و گيريانه‌ له‌وه‌خت ئه‌نجامداين ئه‌ركه‌يليگ وه‌ناو پرووسه‌ى"شه‌تره‌نج".

YesIraq