2018-10-24 07:03:00

شه‌فه‌ق نيوز/ وه‌ڕيه‌وبه‌رايه‌تى پۆليس پاريزگاى زيقار له‌ باشوور عراق، ئاشكراى دوينستنه‌وه‌ى ته‌رم دويه‌تيگ بيس وپه‌نج ساڵان له‌ شار ناسريه‌ كرد و باس له‌وه‌يش كرد هيزه‌يل پۆليس كه‌سيگ گومانليكرياێ ده‌سگير كردنه‌.

 

وه‌ڕيه‌وبه‌رايه‌تيه‌گه‌ له‌ به‌ياننامه‌يگ وت: ته‌رم دويه‌تيگ بيس وپه‌نج ساڵان له‌ نزيگ زبڵخانه‌يگ له‌ ناوچه‌ى ئه‌ريدۆ له‌ شار ناسريه‌ دوينرياسه‌و ك پيچياسه‌ په‌توويگ و وه‌ حه‌بل به‌سياسه‌و.

 

جى باسه‌، به‌ياننامه‌گه‌ يه‌يش ده‌رخسن ك پۆليس په‌يجوورى له‌باره‌ى ئه‌و رويداگه‌ واز كردگه‌ ئه‌را ده‌رخستن تاوانكاره‌يل و گرده‌وكردن زانيارى له‌بانيان تا پيشكه‌ش وه‌ دادگا بكريه‌ن سزاى خوه‌يان وه‌ربگرن.

YesIraq