تاڵه‌بانى ئاشكراى ئه‌كا: سه‌رۆك كۆمار له‌وه‌ر ئى هووكاره‌ هاته‌و ئه‌را سلێمانى

Category: هــــه‌واڵ عــیراق

Date: 2019-12-29T09:25:16+0000

شه‌فه‌ق نيوز/ ئاڵا تاڵه‌بانى سه‌ركرده‌ له‌ يه‌كێتى نيشتمانى كوردستان، هووكار چگنه‌وه‌ى به‌رهه‌م ساڵح سه‌رۆك كۆمار و سه‌ركرده‌ له‌ حزبه‌گه‌ ئه‌را شار سلێمانى ئاشكرا كرد له‌وه‌خت باسكردنى له‌ مه‌سه‌له‌ى پيشكه‌شكردن ده‌سله‌كاركيشانه‌وه‌ى له‌ سه‌رۆكايه‌تى ده‌وڵه‌ت.

 

تاڵه‌بانى ئه‌را شه‌رقولئه‌وسه‌ت وت: سه‌ردانه‌گه‌ى ساڵح ئه‌را سلێمانى مه‌سه‌له‌يگ ئاساييه‌ و په‌يوه‌سه‌ وه‌ ئه‌نجامه‌يل ئى دوياخر هه‌ڵوژاردنه‌يل يه‌كێتى نيشتمانى كوردسان ك وه‌بى ئه‌منيدار گشتى مه‌نده‌و دوياى كووچكردن جه‌لال تاڵه‌بانى دامه‌زرنه‌ر و سه‌ركرده‌ مێژووييه‌گه‌ى.

 

تاڵه‌بانى ك ئه‌ندام ئه‌نجومه‌ن نوێنه‌ره‌يله‌ له‌ په‌رله‌مان عراقى، وت: وجوود ساڵح له‌ سلێمانى مه‌سه‌له‌يگ ئاساييه‌ له‌وه‌ر ئه‌وه‌گ شاريگ عراقيه‌و ده‌وڵه‌تيگ بيگانه‌ نيه‌و ئه‌ويش له‌وه‌ر چه‌وديرى و ته‌واوكردن ئه‌نجامه‌يل هه‌ڵوژاردن حزب بويه‌و هويچ په‌يوه‌ندييگ وه‌ مه‌سه‌له‌يل تر نه‌يرێد.