2019-03-24 07:36:00

شه‌فه‌ق نيوز/ وه‌ گووره‌ى ئه‌و به‌ڵگه‌يله‌ ك كه‌فته‌سه‌ ده‌س رووژنامه‌ى سه‌نداى تايمز بريتانى له‌ خوه‌رهه‌ڵات سوريا، ئه‌وه‌ ده‌ركه‌فتگه‌ ك ريكخرياگ تيرۆرستى داعش ك شكه‌ست گه‌ورايگ وه‌ده‌سهاورد له‌ى دوياخره‌ له‌ سورياو عراق، پلان ئه‌را كرده‌وه‌يل ئاينده‌ى له‌ ئۆرپا داناگه‌.

 

رووژنامه‌گه‌ ناوه‌ڕووك ئه‌و به‌ڵگه‌يله‌ له‌و پلانه‌يله‌ وه‌ ئه‌وه‌ تاريف ئه‌كا هيمان داعش هه‌وڵه‌يلى وه‌رده‌وامه‌و ناو سه‌دان له‌ چه‌كداره‌يل ئه‌و ريكخرياگه‌و شيوازه‌يل كاره‌يليانيش گرته‌سه‌ خوه‌ى بيجگه‌ نامه‌يليان له‌ناونى يه‌كترى و ئه‌را سه‌ركرده‌يليگ ك پلان ديرێد ئه‌را ده‌سميه‌ت ئه‌ندامه‌يلى له‌ ئۆرپاو وه‌سه‌ربازكردن كه‌سه‌يليگ له‌ ده‌يشته‌و ئه‌را سوريا.

 

جى باسه‌، يه‌يش له‌وه‌ختيگه‌ ك شكه‌ست داعش له‌ عراق و سوريا ماناى كووتايى ئه‌و ريكخرياگه‌ نيه‌و ئه‌و به‌ڵگه‌يله‌ ك دوينرياسه‌و له‌ دويا بنگه‌يل ئه‌و ريكخرياگه‌ له‌ خوه‌رهه‌ڵات سوريا باس له‌ ئاماده‌كارى ئه‌كا ئه‌را چه‌كداركردن تازه‌و ته‌مويل و شانه‌يل خه‌فتگ له‌ ئۆرپا.

YesIraq