2018-10-20 16:04:00

شه‌فه‌ق نيوز/ نوێنه‌ره‌يل پيكهاته‌ى توركمانى له‌ ئه‌نجومه‌ن نوێنه‌ره‌يل عراقى، داواى ئه‌وه‌ كردن وه‌شێوه‌يگ دادگه‌رانه‌ نوێنه‌رايه‌تييان بكريه‌ێد له‌ڕێ وه‌ده‌سهاوردن پۆسته‌يل له‌ هه‌ردوگ سه‌رۆكايه‌تيه‌يل كۆمار و وه‌زيره‌يل عراقى.

 

ئه‌و داواكاريه‌ ئمزاى 8 ئه‌ندام له‌و پيكهاته‌ گرتوێده‌ خوه‌ێ و له‌تى ئه‌ندامه‌يل له‌ به‌ياننامه‌يگ وتن: كاريگ مه‌ترسيدار هه‌ڕه‌شه‌ له‌ ژيان پيكهاته‌ى توركمانى ئه‌كا له‌ دويره‌وخستنيان له‌ پرووسه‌ى سياسى و هه‌ر وه‌و خاتريشه‌ نوێنه‌ره‌يل توركمان له‌ ئه‌نجومه‌ن نوێنه‌ره‌يل عراقى و ليسته‌يل جياجيا داوا له‌ هه‌رسێ سه‌رۆكايه‌تيه‌يل و سه‌رۆك وه‌زيره‌يل راسپارياێ ئه‌كه‌ن نوێنه‌رايه‌تى پيكهاته‌ى توركمانى دادگه‌رانه‌ بدێ له‌ يه‌كيگ له‌ پۆسته‌يل سياسى له‌ سه‌رۆكايه‌تى كۆمار جوور هه‌قيگ نه‌ته‌وه‌يى.

 

ئه‌ندامه‌يل توركمان داواى نوێنه‌رايه‌تييش كردن له‌ كابينه‌ى وه‌زاره‌ى جوور هه‌قيگ هه‌ڵوژاردن ئه‌را سه‌دان هه‌زار له‌و ده‌نگه‌يله‌ ك سه‌رانه‌يانه‌ قوبه‌ى په‌رله‌مان عراقى.

YesIraq