2018-12-30 07:13:00

شه‌فه‌ق نيوز/ عادل عه‌بدولمه‌هدى سه‌رۆك ئه‌نجومه‌ن وه‌زيره‌يل داوا له‌ په‌رله‌مان عراقى ئه‌كا ده‌نگداين له‌بان هه‌ردوگ وه‌زير ناوخوه‌يى و وه‌رگرى دويا بخه‌ێد وه‌بوونه‌ى وجوود گفگتوو ك هيمان يه‌كلا نه‌ويه‌سه‌وه‌و دو ناويش پيشكه‌ش كرد ئه‌را وه‌كاربردن پۆسته‌يل ده‌سه‌ى نيشتمانى ئه‌را وه‌به‌رهاوردن و ده‌سه‌ى راوێژكارى سه‌رۆكايه‌تى وه‌زيره‌يل.

 

وه‌ گووره‌ى ئه‌و كتاوه‌ ك ئمزاى عه‌بدولمه‌هدى ديرێد، له‌تى هاتگه‌: وه‌ بوونه‌ى ته‌مام نه‌وين كابينه‌ وه‌زاريه‌گه‌ ئه‌را هه‌ردوگ وه‌زاره‌ت وه‌رگرى و ناوخوه‌يى ناوه‌يل تازه‌ ئه‌رادان كلكه‌يم ئه‌را پۆست هه‌ردوگ ده‌سه‌ى نيشتمانى ئه‌را وه‌به‌رهاوردن و ده‌سه‌ى راوێژكارى سه‌رۆكايه‌تى وه‌زيره‌يل وه‌ل ژياننامه‌يان و به‌يان ڕاى ده‌سه‌ى ده‌سپاكى و پرس وپرسكارى.

 

جى باسه‌، ئه‌و كانديده‌يليشه‌ پيكهانه‌ له‌ نازم فه‌رمان عه‌بودى ئه‌را پۆست ده‌سه‌ى وه‌به‌رهاوردن نيشتمانى و نه‌وفه‌ل ئه‌بولشون ئه‌لحه‌سه‌ن ئه‌را ده‌سه‌ى راوێژكارى سه‌رۆكايه‌تى وه‌زيره‌يل.

YesIraq