2019-04-18 17:33:00

شه‌فه‌ق نيوز/ ليژنه‌يگ له‌ په‌رله‌مان هه‌رێم كوردستان سه‌ردان به‌غدا ئه‌كا وه‌ ئامانج تاووتوێكردن مه‌سه‌له‌ى كه‌ركوك و ريه‌يل جيوه‌جيكردن بارودوخه‌يل له‌ ناوچه‌يل كوردستانى ده‌يشت ئداره‌ى هه‌رێم .

 

له‌ى باوه‌ته‌و، ماڵپه‌ڕ پارت ديموكرات كوردستان له‌ زووان جوان رۆژبه‌يانى سه‌رۆك ليژنه‌ى ناوچه‌يل كوردستانى ده‌يشت ئدارى هه‌رێم ئه‌وه‌ ده‌رخست ليژنه‌گه‌يان وه‌ى نزيكه‌يله‌ سه‌ردان به‌غدا ئه‌كاو دانيشتنه‌يليگ وه‌ل ليژنه‌يل په‌يوه‌نديدار ساز ئه‌كا ئه‌را تاووتوێكردن ريه‌يل كاراكردنه‌وه‌ى مادده‌ى ده‌ستوورى 140 و چاره‌سه‌ركردن كيشه‌يل له‌ ناوچه‌يل كوردستانى ده‌يشت ئدارى هه‌رێم وه‌تايبه‌ت له‌ شار كه‌ركوك و ده‌ورگردى.

 

رۆژبه‌يانى هه‌ميش وت: بڕياريشه‌ دانيشتنيگ وه‌ل ليژنه‌ى وه‌ختى مادده‌ى 140 ساز بكريه‌ێد ك ساڵ 2011 دامه‌زريا، وه‌لێ كاره‌يل و چالاكيه‌يلى گير دريا وه‌ بوونه‌ى ئه‌و بارودوخ سياسيه‌ ك هاته‌ تويش هه‌ولێر و به‌غدا.

YesIraq