2019-05-21 09:40:18

شه‌فه‌ق نيوز/ سه‌رۆكايه‌تى عراقى ئاشكراى ئه‌وه‌ كرد تائيسه‌ هويچ ناوجيكردنيگ له‌ناونى وڵاته‌يل يه‌كگرتگ و ئيران نه‌كردگه‌و ئاماژه‌ وه‌يه‌يش كرد ئامانج له‌ گرده‌وبوين هه‌رسێ سه‌رۆكايه‌تى و سه‌ركرده‌يل سه‌ره‌كى عراقى له‌وه‌ر جه‌ختكردنه‌ له‌بان گرنگى مقه‌يه‌تيكردن له‌ شيرازه‌ى ناوخوه‌يى عراقى.

 

له‌ى باوه‌ته‌و، رووژنامه‌ى شه‌رقولئه‌وسه‌ت له‌ زووان سه‌رچه‌وه‌يگ ئاگادار وت: به‌رهه‌م ساڵح سه‌رۆك كۆمار له‌ى ماوه‌ى دوياخره‌ چه‌وى كه‌فته‌سه‌ سه‌ركرده‌ى فراكسيۆنه‌يل و سه‌ركرده‌يل سه‌ره‌كى عراقى بيجگه‌ هه‌ردوگ سه‌رۆك وه‌زيره‌يل و په‌رله‌مان و وه‌ليانا باس له‌ رێگه‌چاره‌يگ كردگه‌ ئه‌را ده‌رچگن وه‌ هه‌ڵويستيگ يه‌كگرتگ له‌باره‌ى روێداگه‌يل ناوچه‌گه‌.

 

لاى خوه‌ييشه‌و، لوقمان فه‌يلى قسه‌كه‌ر وه‌ناو سه‌رۆكايه‌تى كۆمار، وت: ئامانج له‌ ديدار هه‌رسێ سه‌رۆكايه‌تى و سه‌ركرده‌يل عراقى له‌وه‌ر جه‌ختكردنه‌ له‌ گرنگى مقه‌يه‌تيكردن له‌ شيرازه‌ى ناوخوه‌يى عراق وه‌رانوه‌ر روێداگه‌يل ده‌ره‌كى و باس له‌وه‌يش كرد وتار سياسى ده‌ره‌كى عراقى بايه‌سه‌ يه‌كگرتگ بدێ له‌گشت لايه‌نه‌يله‌و، يه‌يش وه‌و مانا وتار ده‌وڵه‌ت بدێ نه‌ك وتار هه‌ر لايه‌ن و كه‌سيگ وه‌ تايبه‌ت.

YesIraq