2019-02-24 17:23:00

شه‌فه‌ق نيوز/ راپۆرته‌يليگ له‌ زووان سه‌رچه‌وه‌يليگ هه‌واڵگرێ عراقى و ئه‌مريكى، ئه‌وه‌ ده‌رخستن ك ئه‌بو به‌كر به‌غدادى له‌ هه‌وڵيگ ئه‌را زينگه‌وكردن توانايه‌يل جه‌نگێ ريخرياگ تيرۆريستى داعش.

 

رووژنامه‌ێ "ئه‌لبه‌يان" ئيماراتى، له‌ زووان سه‌رچه‌وه‌يليگ نزيك له‌ هيزه‌يل ئه‌مريكى له‌ عراق ئه‌وه‌ ده‌رخست ك به‌غدادێ دوياى شكه‌ست داعش له‌ دويا بنگه‌يلێ له‌ دێره‌زۆر سوورى هه‌وڵ ريكخستنه‌وه‌ى رزه‌يل چه‌كداره‌يل ريكخريايه‌گه‌ ئه‌ياد و بياوان ئه‌نبار له‌ خوه‌رئاواى عراق جوور سه‌ربازگه‌ێ تازه‌ ئه‌را داعش ئه‌يه‌رێده‌ كار.

 

وه‌گووره‌ى سه‌رچه‌وه‌گه‌، وه‌رجه‌ چه‌ن رووژيگ به‌غدادى وه‌ل يارمه‌تيده‌ره‌يلێ ره‌سيه‌سه‌ بياوان ئه‌نبار له‌ڕێ ئه‌و تونێله‌يله‌ ك ناوچه‌يل دێره‌زۆر سوورى ئه‌وه‌سێده‌ شار قائم له‌ عراق و چه‌كداره‌يل داعش له‌تى هامشوو ئه‌كه‌ن له‌ڕێ سه‌ياره‌و ماتۆڕسكڵ له‌ناونى مه‌رزه‌يل سورياو عراق دوير له‌ چه‌و هيزه‌يل ئاسمانى ناوده‌وڵه‌تى.

YesIraq