2019-04-02 07:36:00

شه‌فه‌ق نيوز/ ئه‌نجومه‌ن پاريزگاى به‌سره‌, بڕيار جه‌ختكردن دا له‌باره‌ى بڕياره‌گه‌ێ وه‌رينى ئه‌را وه‌رده‌وامبوين له‌بان ئاڵشتكردن پاريزگاگه‌ ئه‌را هه‌رێم، ئه‌ويش له‌وه‌ر مقه‌يه‌تيكردن پاريزگاگه‌ له‌ مه‌ركه‌زيه‌ت بى جموجويل.

 

له‌ى باوه‌ته‌و، سه‌باح به‌زوونى سه‌رۆك ئه‌نجومه‌ن پاريزگا له‌ به‌ياننامه‌يگ وت: زياتر له‌ 20 ئه‌ندام له‌ ئه‌نجومه‌نه‌گه‌ ئمزا له‌بان داواكارى ئاڵشتكردن به‌سره‌ ئه‌را هه‌رێم كردنه‌، يه‌يش له‌وه‌ختيگ ك ته‌نيا ئمزاى 12 ئه‌ندام ئه‌خوازێد.

 

به‌زوونى هه‌ميش وت: ئى داواكاريه‌ به‌رزه‌و بويه‌ ئه‌را ده‌زگاى ياسايى له‌ ئه‌نجومه‌نه‌گه‌ وه‌خاتر له‌وه‌رگرتن رێ وشوون خواست و له‌وانه‌يش به‌رزه‌وكردن شكايه‌ته‌يل تايبه‌ت ياسايى له‌ وه‌ختيگ ك زويتر ئه‌نجومه‌نه‌گه‌ رێ وشوون هاوشيوه‌ له‌وه‌ر گرتگه‌ له‌وه‌ر هه‌واڵه‌كردن ئى داواكاريه‌ ئه‌را كۆمسيۆن هه‌ڵوژاردنه‌يل و ئيسه‌يش ئه‌نجومه‌نه‌گه‌ ليژنه‌يگ ئه‌را چه‌وديرى بڕياره‌گه‌ى دامه‌زرانگه‌و هه‌وڵ زياتريش ئه‌دريه‌ێد له‌ى باوه‌ته‌و.

YesIraq