2019-04-10 10:44:00

شه‌فه‌ق نيوز/ ئه‌نداميگ له‌ ئه‌نجومه‌ن نوێنه‌ره‌يل عراقى له‌بان پاريزگاى به‌سره‌, داواى ته‌رخانكردن كورسى كۆتا كرد ئه‌را تايفه‌ى مه‌ندائى له‌ ئه‌نجومه‌ن پاريزگا.

 

رامى سكه‌ينى له‌ كۆنگره‌يگ رووژنامه‌گه‌رى له‌ ئه‌نجومه‌ن نوێنه‌ره‌يل وت: وه‌گوورى مادده‌يل ده‌ستوور ك باس له‌ يه‌كسانى سياسى و مه‌ده‌نى له‌ناونى هاووڵاتى ئه‌كا و وه‌گووره‌ى ده‌قه‌يل ناوده‌وڵه‌تى داواى ته‌رخانكردن كورسى كۆتا ئه‌را تايفه‌ى مه‌ندائى ئه‌كه‌يم له‌ ئه‌نجومه‌ن پاريزگاى به‌سره‌ جوور ئه‌وه‌گ له‌ پاريزگاى واست هه‌س.

 

سكه‌ينى هه‌ميش وت: نوێنه‌رايه‌تى ئه‌را كه‌مينه‌يل هه‌س له‌ پاريزگاى به‌سره‌ جوور مه‌سيحيه‌يل، وه‌لێ نوێنه‌رايه‌تى ئه‌را تايفه‌ى مه‌ندائى نيه‌ ك هه‌رچه‌نى وه‌ هه‌زاران له‌ پاريزگاگه‌ وجوود ديرن.

 

جى باسه‌، مه‌ندائى كويه‌نترين ديانه‌ى يه‌كگرتگيگه‌ له‌ مێژوو ئنسانيه‌ت له‌ خاك وڵات ناونى دوچه‌مان وه‌تايبه‌ت له‌ باشوور عراق له‌ شار ئوور و ناوچه‌يل هامارى نزيك له‌ زه‌لگاوه‌يل وه‌ تايبه‌ت له‌ پاريزگا ميسان.

YesIraq