2019-02-25 16:54:00

شه‌فه‌ق نيوز/ به‌ره‌ێ عيراقى ئه‌را گفتگوو نيشتمانى وه‌ سه‌رۆكايه‌تى ساڵح موتڵه‌گ، ئاشكراى كاره‌يليگ گه‌ناته‌كارێ له‌ حكومه‌ته‌گه‌ێ عادل عه‌بدولمه‌هدى كرد و وت: ئيچنه‌ گه‌ناته‌كارييگ له‌ حكومه‌ته‌يل وه‌رين روێ نه‌ياگه‌.

 

له‌ى باوه‌ته‌و، حه‌يده‌ر مولا سه‌ركرده‌ى له‌ به‌ره‌گه‌ ئه‌را شه‌فه‌ق نيوز وت: عه‌بدولمه‌هدى له‌ سه‌ره‌تاى دامه‌زرانن حكومه‌ته‌گه‌ێ رێ وه‌ بڕيگ له‌لايه‌نه‌يل سياسى داگه‌ ئه‌را قه‌بولكردن بڕيگ كانديد ئه‌را وه‌زاره‌ه‌يل و ئى كاريشه‌ په‌ياميگ خراو بوێ ئه‌را هاووڵاتى و لايه‌نه‌يل سياسى له‌باره‌ى خواست حكومه‌ت ئه‌را له‌ناوبردن گه‌ناته‌كارێ.

 

مولا يه‌يش ده‌رخست ك لايه‌نه‌يليگ سياسى هه‌ن وه‌تايبه‌ت لايه‌نه‌يل چه‌كدار ك نوێنه‌ر ديرن له‌ حكومه‌ت، له‌ماوه‌ى گوزه‌يشت كار ده‌سدريژێ له‌بان دارايى گشتى كردن وه‌و جووره‌گ له‌ هويچكام له‌ حكومه‌ته‌يل وه‌رين له‌ 2003 تائيسه‌ روێ نه‌ياگه‌، ك گشت ئه‌يه‌يش وه‌ بوونه‌ى ئه‌وه‌گ عه‌بدولمه‌هدى نه‌رمى فريه‌يگ ئه‌را ئيراده‌ى بڕيگ له‌ لايه‌نه‌يل سياسى نيشاندا.

YesIraq