2019-06-05 14:20:31

شه‌فه‌ق نيوز/ به‌ره‌ى توركمانى ئاشكراى ئه‌وه‌ كرد ئداره‌ى پاريزگاى كه‌ركوك نويسينگه‌ى كۆمسيۆن باڵاى سه‌روه‌خوه‌ى هه‌ڵوژاردنه‌يل ئه‌وه‌سێد له‌ حاڵه‌تيگ ئه‌گه‌ر جواو داواكارى حزبه‌يل نه‌يه‌ێده‌و له‌ پاريزگاگه‌.

 

له‌و باوه‌ته‌و، ئه‌رشه‌د ساڵحى له‌ كۆنگره‌يگ رووژنامه‌گه‌رى دوياى ديدارى وه‌ل پيرووزباييكه‌ره‌يل وه‌بوونه‌ى جه‌ژن ره‌مه‌زان له‌ كه‌ركوك، وت: ئاڵشتكاريه‌يليگ جوگرافى له‌ ناوچه‌گه‌ روێ ئه‌ياد جوور ئه‌وه‌گ له‌ساڵ 1991 روێدا له‌ سوريا و عراق و ئاماژه‌ وه‌يه‌يش كرد كه‌سه‌يليگ هه‌ن هه‌وڵ شيوانن يه‌كگرتگى وڵاته‌گه‌ ئه‌يه‌ن و مه‌ردم عراقيش ناخوازيد نسيو خوه‌ى له‌و ئاڵشتكاريه‌يله‌ بووه‌ێد.

 

له‌باره‌ى كيشه‌ى پاريزگاى كه‌ركوكيش، ساڵحى وت: چاره‌سه‌ر كيشه‌ى پاريزگاگه‌ ئه‌منى و سه‌ربازى و سياسى نيه‌، به‌ڵكوو مه‌سه‌له‌يگه‌ ته‌وافقى.

YesIraq
}