2020-02-15 08:36:33

شه‌فه‌ق نيوز/ ئه‌رشه‌د ساڵحى سه‌رۆك به‌ره‌ى توركمانى عراقى، جه‌خت له‌ ئه‌نجام گفتگووه‌يليان كرد وه‌ل محه‌مه‌د ته‌وفيق عه‌لاوى سه‌رۆك وه‌زيره‌يل راسپارياێ.

 

ساڵحى له‌ به‌ياننامه‌يگ ئه‌را شه‌فه‌ق نيوز وت: چه‌ن ديداريگ وه‌ل محه‌مه‌د ته‌وفيق عه‌لاوى سه‌رۆك وه‌زيره‌يل راسپارياێ ساز كرديمنه‌و عه‌لاوى مكوڕه‌ له‌بان ئه‌وه‌گ كابينه‌ وه‌زاريه‌گه‌ له‌ كه‌سه‌يل ته‌كنۆكرات دروس بدێ و ده‌خاڵه‌ت حزبه‌يل سياسى ره‌ته‌و ئه‌كا.

 

ساڵحى وت: كابينه‌گه‌ په‌نج وه‌زير ژن گرته‌سه‌ خوه‌ى و بڕيگ له‌ حزبيل شيعه‌يش هه‌وڵ ئه‌را مه‌ندنه‌وه‌ى وه‌زيره‌يليان ئه‌يه‌ن و هه‌ولێريش ئه‌خوازێد وه‌زير دارايى له‌ پۆسته‌گه‌ى بمينێد.

 

ساڵحى باس له‌وه‌يش كرد عه‌لاوى جه‌خت له‌باان نوێنه‌رايه‌تى توركمان كردگه‌ له‌ كابينه‌ وه‌زاريه‌گه‌و مكوڕيه‌ له‌بان ئه‌وه‌گ له‌ سه‌ره‌تاى ئى هه‌فت ئه‌و كابينه‌ى تازه‌ ئاشكرا بكريه‌ێد و ئيمه‌يش بايه‌سه‌ وه‌گووره‌ى توانا كه‌ركوك له‌ بازنه‌ى كيشمه‌كيش دويره‌و بخه‌يم، وه‌تايبه‌ت ناوچه‌ى داقووق و دويره‌وخستن داعش.

}