2019-04-14 08:17:00

شه‌فه‌ق نيوز/ به‌رهه‌م ساڵح سه‌رۆك كۆمار عراق, باس له‌وه‌ كرد عراق تازه‌ بايه‌سه‌ ئه‌و تاوانه‌يله‌ له‌ هويره‌و نه‌وه‌ێد ك ده‌رهه‌ق وه‌ ملله‌ت وه‌گشت چينه‌يلێ ئه‌نجام دريانه‌.

 

ساڵح له‌ كۆنگره‌يگ رووژنامه‌گه‌رى له‌وه‌خت سه‌ردانى ئه‌را قه‌ورسان وه‌جه‌م ك له‌ى دوياخره‌ له‌ موسنا ئاشكرا كرياو له‌تى قوربانيه‌يل كورد له‌ كرده‌وه‌يل ئه‌نفال ده‌ركه‌فت وت: تاوان ئى قوربانيه‌يله‌ ئه‌وه‌سه‌ ته‌نيا كوردن و سه‌دام مه‌ترسى له‌ليان دوينست و باس له‌وه‌يش كرد سه‌دام حسێن تاوان ده‌رهه‌ق مه‌ردم باشوور و ناوڕاسيش ئه‌نجام داگه‌ له‌وه‌ر ئه‌وه‌گ حه‌ز له‌ ده‌سڵاته‌گه‌ى نه‌كردنه‌.

 

ساڵح هه‌ميش وت: كه‌س وكار ئه‌نفالكرياگه‌يل له‌گشت شاره‌يل كوردستان و زه‌لگاوه‌يل و له‌گشت شوونه‌يليگ له‌ عراق گشتيان يه‌ك حاڵه‌تن و باس له‌وه‌يش كرد ك نه‌بايه‌د ئيچنه‌ تاوانه‌يليگ له‌هويره‌و بچن ك ده‌رهه‌ق وه‌ ملله‌ت ئه‌نجام درياو بايه‌سه‌ فكر سه‌دامى بنبڕ بكريه‌ێد و نواگيرى له‌لى بكريه‌ێد تا جاريگتر روێ له‌ وڵات نه‌كا.

YesIraq