2019-04-18 07:28:00

شه‌فه‌ق نيوز/ محه‌مه‌د بن سه‌لمان وه‌ليعه‌هد سعوديه‌ له‌ ديدارى وه‌ل عادل عه‌بدولمه‌هدى سه‌رۆك وه‌زيره‌يل عراقى و شانده‌ ياوه‌ره‌گه‌ى له‌ رياز, ئاشكراى ئه‌وه‌ كرد وڵاته‌گه‌ى گشت شاره‌زايى و توانايه‌يلى ئه‌خاده‌ خزمه‌ت عراق.

 

حكومه‌ت عراقى له‌ به‌ياننامه‌يگ له‌ زووان عه‌بدولمه‌هدى وت: په‌ره‌داين وه‌ په‌يوه‌نديه‌يل عراقى و سعودى هه‌وه‌جه‌ى خواستيگه‌ ئه‌را ئيمه‌و ناوچه‌گه‌و ده‌سميه‌تيشه‌ ئه‌را جيوه‌جيكردن ئاشتى و په‌ره‌داين وه‌ په‌يوه‌نديه‌يل و گه‌شه‌كردن و ملله‌ته‌گه‌مانيش دوياى مه‌ينتيه‌يل فريه‌يگ له‌ جه‌نگ وه‌ دريژايى نيم سه‌ده‌و مه‌ينى تيرۆر ته‌ماشاى هاوردنه‌وه‌ى ژيان سروشتى ئه‌كا ئه‌را سه‌رده‌م سه‌قامگيرى و خوه‌شگوزه‌رى ئابوورى و خزمه‌تگوزارى خاستر.

 

لاى خوه‌ييشه‌و, وه‌ليهه‌عد سعودى وت: شانشين سعودى وه‌ ريز و گه‌وراييه‌و ته‌ماشاى عراق ئه‌كاو هيز و تواناى چشتيگ بنه‌ڕه‌تييه‌ ئه‌را ئيمه‌و خوه‌شاڵيم عراق وه‌ى ئاسته‌ له‌ سه‌قامگيرى بوينيم و ئوميده‌واريم هيز و سه‌قامگيريه‌گه‌ى زياتره‌و بدێ و ئه‌و پايه‌ى وه‌ربگرێد ك شايسته‌يه‌ له‌ ناو وڵاته‌يل عه‌ره‌بى و هه‌رێمى.

YesIraq