2019-05-18 20:25:23

شه‌فه‌ق نيوز/ هاوپه‌يمانى بنياتنان نه‌ينه‌وا ك شماره‌يگ له‌ فراكسيۆنه‌يل له‌ ئه‌نجومه‌ن پارێزگاگه‌ گرته‌سه‌ خوه‌ى, روێ ره‌خنه‌يل تونيگ له‌ ئوسامه‌ نوجێفى سه‌ركرده‌ى هاوپه‌يمانى ئه‌لقه‌رار كرد له‌ئه‌نجام لێدوانه‌يلى له‌ ديمانه‌يگ وه‌ل يه‌كيگ له‌ كه‌ناڵه‌يل ئاسمانى عراقى.

 

هاوپه‌يمانى بنياتنان له‌ به‌ياننامه‌يگ وت: ئمڕوو دوياى ئه‌وه‌گ ئوسامه‌ نوجێفى ئسپات ئفلاسبوينى ئاشكرا بوێ و خه‌ڵك موسڵ ره‌تيه‌و كردنه‌، له‌بان يه‌كيگ له‌ كه‌ناڵه‌يل ئاسمانى ده‌ركه‌فت و درووه‌يل و دعايه‌يل فريه‌يگ كرد ئه‌را په‌رده‌پووشكردن شكسته‌يلى و دويره‌وخستن چه‌و مه‌ردم له‌لى دوياى ئه‌وه‌گ ئاگادار بوين له‌ درووه‌يل خوه‌ى و براگه‌ ك بوينه‌ هووگار ويرانكارى موسڵ و داگيركردنى له‌لايه‌ن داعشه‌و و ئى شووره‌ييشه‌ به‌سه‌ ئه‌رايان وه‌ دريژايى مێژوو ك ئيسه‌ ده‌رچيه‌و دعايه‌ ئه‌را داعش ئه‌كاو باس له‌وه‌ ئه‌كا جايه‌ڵه‌يل موسل دوباره‌ ئنتما وه‌و ريكخرياگه‌و كردنه‌.

 

به‌ياننامه‌گه‌ باس له‌وه‌ كرد ئى لێدوانه‌يله‌ ته‌نيا خزمه‌ت وه‌ داعش و تيرۆر ئه‌كاو تومه‌ته‌يلێ دژ برايه‌يل كورد له‌ ته‌قينه‌وه‌يل زه‌نجيلى ئه‌خه‌ێده‌ هويرمان و دوياى ئه‌وه‌يش كوده‌تاى مه‌سه‌له‌ى تايفى و ئاشووگه‌رى له‌ناونى شيعه‌و سنى و ئيسه‌يش مه‌ردمان تر تومه‌تبار ئه‌كا وه‌ ئه‌وه‌گ وه‌كرياگيرياى ئيرانن و ئاشكرايشه‌ ك خوه‌ى و براگه‌ى چه‌و ئيرانيه‌يل خستنه‌ ‌بان موسڵ و خێروبێره‌گه‌ى.

YesIraq