2019-01-29 07:03:00

شه‌فه‌ق نيوز/ ماڵپه‌ڕ " بلومبێرگ " راپۆرتيگ ئونور ئانت و ئامى تيبيل بڵاو كردگه‌ ك له‌تى باس له‌و سه‌ركه‌فتنه‌يل ئه‌كه‌ن به‌شار ئه‌سه‌د سه‌رۆك رژيم سوورى وه‌ده‌سى هاوردگه‌ وه‌ل روێ وه‌ڕوێ بوينه‌وه‌ى ئاينده‌.

 

راپۆرته‌گه‌ باس له‌وه‌ ئه‌كا جه‌نگ ناوخوه‌يى سوورى خه‌ريكه‌ كووتايى وه‌پى ئه‌ياد، وه‌لێ ئه‌گه‌ره‌يل تون وتيژى وه‌رده‌واميگ ئه‌كريه‌ێد له‌ وه‌ختيگ ك وازيزانه‌يل ناوده‌وڵه‌تى هويريگ له‌ ستراتيجيه‌ت خوه‌يان بكه‌ن.

 

ئى هه‌ردوگ نويسه‌ره‌ باس له‌وه‌ ئه‌كه‌ن بڕيار دۆناڵد ترامپ سه‌رۆك ئه‌مريكا له‌ كيشاننه‌وه‌ى هيزه‌يلى له‌ سوريا زياتر كاره‌گه‌ قورس كردگه‌و يه‌يش له‌ وه‌ختيگ ك بريار ته‌نيا وه‌ده‌س سه‌رۆك سوورى و ئيران و روسيا هيشتگه‌و ئسرائيل كيشاسه‌ ناو مه‌سه‌له‌گه‌ ئه‌را ئاشكراكردن په‌لاماره‌يلى ئه‌را بان هيزه‌يل ئيرانى و ئه‌خوازێد وه‌ هه‌ر جووريگ بويه‌ ئيران بارێده‌ جواو، ك وه‌ل ئه‌وه‌يشا شيه‌وكه‌ره‌يل وشدارێ ئه‌يه‌ن ك شايه‌ت ئى كاره‌ جه‌نگ هه‌رێمى له‌لى بكه‌فێده‌وه‌و لوبنان و عراقيش وه‌پيه‌و بپلكيه‌ێد.

YesIraq