2019-02-24 08:29:00

شه‌فه‌ق نيوز/ ده‌مه‌و شه‌وه‌كى ئمڕوو، فه‌وزى ئه‌تروشى بريكار وه‌زاره‌ت رووشنهويرى و گه‌شتيارێ و شوونه‌وار، دوياى كيشمه‌كيش فريه‌يگ وه‌ل نه‌خوه‌شى ماڵئاوايى يه‌كجارى له‌دونيا كرد.

 

فه‌وزى عه‌زيز ميرزا ئه‌تروشى، له‌ 1/7/1953 پاريزگاى دهۆك هاته‌سه‌ دونيا له‌ ناحيه‌ى ئه‌تروش و كۆليژ ياساى سياسى زانكۆى به‌غدا/ به‌ش ياسا ته‌مام كرد و باوه‌ڕنامه‌ێ ماستر له‌ ياساى ناوده‌وڵه‌تى گشتى/ زانكۆى سۆفيا وه‌ده‌س هاورد و ئه‌ندام پارت ديموكرات كوردستان بوێ.

 

ئه‌تروشى سه‌ركراديه‌تى لق ئۆرپاى پارتى كرد له‌ 1986 تا 2001 و، دوياى ئه‌وه‌يش پۆست وه‌رپرس نويسينگه‌ى ره‌سانن ده‌يشت پارته‌گه‌ داشت و كاريش جوور راوێژكار سياسى كردگه‌ له‌ رووژنامه‌ى كۆنگره‌ى له‌نده‌نى ك زووانحاڵ ئۆپۆزسيۆن عراقى بوێ له‌ 2002 تا 2003.

 

جى باسه‌، ئه‌تروشى سه‌رپه‌رشتى له‌بان له‌چاپداين روژنامه‌ى (خه‌بات) كرد زوونحاڵ پارتى و كاريش له‌ رووژنامه‌ى ئه‌لته‌ئاخى كرد و هه‌ماهه‌نگ ره‌سانن پارتى بويه‌ له‌ ليژنه‌ى چوارلايه‌نێ و ئه‌ندام يه‌كێتى مافناسه‌يل له‌ كوردستان و به‌غداو ئه‌ندام سه‌نديكاى پارێزه‌ره‌يل له‌ كوردستان و به‌غداو ئه‌ندام يه‌كێتى ئه‌ديبه‌يل كوردستان و ئه‌ندام سه‌نديكاى رووژنامه‌نويسه‌يل كوردستان و ئه‌ندام ده‌سه‌ى داهێنه‌ره‌يل عراقى و بريكار وه‌زاره‌ت رووشنهويرێ بوێ و بيجگه‌ زووان كوردى، زووان عه‌ره‌بى و ئه‌لمانى و ئسپانى و بوڵگارى و ئنگليزييش زانست و چه‌نه‌ها كتاو و ديوان شعرييش داناگه‌و چه‌ندين خه‌ڵات رێزله‌ليگرتنيش وه‌ده‌سهاوردگه‌.

YesIraq