2018-10-16 18:09:00

شه‌فه‌ق نيوز/ باليۆزخانه‌ى بريتانى له‌ عراق، پيشنياريگ پيشكه‌ش كرد تايبه‌ت وه‌ دامه‌زرانن هه‌ردوگ حكومه‌ت ئاينده‌ى عراق و كوردستان.

 

باليۆزخانه‌گه‌ له‌ به‌ياننامه‌يگ ئه‌را شه‌فه‌ق نيوز وت: هان دريايم وه‌ ئه‌وه‌گ بوينيم ك ئمساڵ 25% له‌ ژنه‌يل هه‌ڵوژرياى له‌ په‌رله‌مان له‌ به‌غدا له‌بان بنه‌ماى ئازايه‌تييان هه‌ڵوژريانه‌ نه‌ك ته‌نيا له‌و ريژه‌ ك ئه‌ڕايان ديارێ كرياگه‌، ك يه‌يش بنه‌ماى بته‌ويگه‌ و تويه‌نريه‌ێد پشت وه‌پى بووه‌سريه‌ێد و هه‌ر وه‌و خاتريشه‌ هان گشت گرووپه‌يل سياسى به‌شدار له‌ دامه‌زرانن حكومه‌ت له‌ به‌غداو هه‌ولێر دايم ئه‌را هه‌ڵوژارنن كه‌سه‌يل شاره‌زا ئه‌را وه‌رگرتن پۆسته‌يل بالا له‌ ئه‌نجومه‌ن ئداره‌ى تازه‌ و پۆسته‌يل وه‌زارى.

 

باڵيۆزخانه‌گه‌ هه‌ميش وت: ئيمه‌ له‌ شانشين يه‌كگرتگ هه‌وڵ فريه‌يگ ئه‌را ئى كاره‌ دايمنه‌و ئى كاريشه‌ گورج يا ئاسان نيه‌، وه‌لێ وه‌شيوه‌ى گه‌ورايگ نه‌ف له‌لى وه‌رگرتيمنه‌ له‌وه‌ختيگ وه‌زيره‌يلمان له‌گشت مه‌ردمه‌يلمان هه‌ڵوه‌ژنيم نه‌ك له‌ نيمه‌يان. يه‌يش ده‌رخست ك هه‌ردوگ سه‌رۆك ده‌وڵه‌ت و سه‌رۆك حكومه‌تيان ژنن و بيجگه‌ ئه‌وه‌يش سه‌ركرده‌يل شه‌ش له‌ حزبه‌يل سياسى له‌ بريتانيا ژنن.

YesIraq