باڵ چەکداریگ کونترۆڵ شوین گرنگیگ کەێد لە به‌غدا

Category: هــــه‌واڵ عــیراق

Date: 2020-04-22T15:09:13+0000
باڵ چەکداریگ کونترۆڵ شوین گرنگیگ کەێد لە به‌غدا

شەفەق نیوز/ بەها ئەعرەجی جێگر وه‌رین سەرۆک وەزیرەیل عیراق ئمروو، باس لە نیشانەیل نا دەوڵەتی کرد، ووتیش( ئیسه دەس وەپی کرد ) وئاشکرای کونترۆڵ کردن شوینیگ گرنگ لە خەزرای به‌غدا كرد له‌ لاین باڵیگ چەکدار .
ناوبریای لە بەیانیگ وت: نامەی عبدولمەهدی ئه‌را ئه‌وه‌ هات وەهویر پارته‌ سیاسیەگان بارێد، هەنای خستەیانە بەین ئەگەر دەوڵەت و نادەوڵەت، وئیسە نیشانەیل نادەوڵەتی دیار دان، له‌ شیوەی دارمیان ئابوری وداریی، ودویاترین نیشانەیش بویە ئەمنی دویای ئه‌وه‌ ك یەکی لە باڵەیل چەکدار ده‌س ناسه‌بان شوینیگ لە ناو ناوچەی خه‌زرا و کۆنتڕۆلی کردیه‌.
وتيش ئەوە گشتی ها مل حزبەیلەگە کە بانتر له‌ بەرژەوەنی دەوڵەت تاریف یەکتری کەن. عادل عەبدولمەهدی دویەکە سیشەممە ئەرا تەواو بوین کەیس دروس کردن حوکمەت نو داوای نەرمی نیشانداین فرەتریگ کرد له‌ ناونی لایه‌نه‌یل سیاسی و له‌ نامەی دریژیگ ئەرا سەرۆک کۆمار وسەرۆک پەڕلەمان، هەڕەشە دا له‌ رووژه‌یل داهاتو هەڵوێست خوه‌ یەکلا كه‌ی .

related