2019-01-29 07:01:00

شه‌فه‌ق نيوز/ عادل عه‌بدولمه‌هدى سه‌رۆك وه‌زيره‌يل عراقى، ئاشكراى كووتاييهاتن كاره‌يل دۆگلاس سيليمان باڵيۆز ئه‌مريكا كرد له‌ عراق.

 

نويسينگه‌ى سه‌رۆك وه‌زيره‌يل له‌ به‌ياننامه‌يگ وت: عه‌بدولمه‌هدى پيشوازى له‌ دۆگلاس سيليمان باڵيۆز ئه‌مريكا له‌ عراق كردگه‌ وه‌بوونه‌ى كووتاييهاتن كاره‌يلى و جه‌خت له‌ گرنگى پته‌وكردن په‌يوه‌نديه‌يل ناونى عراق و وڵاته‌يل يه‌كگرتگ ئه‌مريكا كردگه‌و ريز له‌ هه‌وڵه‌يل سيليمان گرتگه‌ له‌وه‌خت ئه‌ركه‌يلى و به‌شداريكردنى له‌ هاوكارى ناونى هه‌ردوگ وڵات.

 

چه‌وه‌ڕێ ئه‌وه‌يش ئه‌كريه‌ێد ماسيۆتوله‌ر كانديد كرياێ دۆناڵد ترامپ و باڵيۆز ئيسه‌ى وڵاته‌يل يه‌كگرتگ له‌ يه‌مه‌ن هه‌مان پۆسته‌گه‌ى دۆگلاس سيليمان له‌ عراق وه‌ربگرێد، يه‌يش له‌ وه‌ختيگ ك له‌سه‌ره‌تاى ئى مانگه‌ ماڵ چه‌رمگ ئاشكراى كرد توله‌ر شوون سيليمان ئه‌گرێده‌و له‌ عراق.

 

جى باسه‌، توله‌ر باڵيۆز ئه‌مريكاس له‌ساڵ 2014ه‌وه‌ له‌ يه‌مه‌ن و زويتريش له‌ناونى ساڵه‌يل 2011 و 2014 باڵيۆز وڵاته‌گه‌ى بويه‌ل ه‌ كوه‌يت و كاريش له‌ باڵيۆزخانه‌ى واشنتۆن له‌ قاهيره‌و به‌غداو كوه‌يت و رياز كردگه‌و پۆسته‌يل جياجيا داشتگه‌.

YesIraq