2019-01-13 17:41:00

شه‌فه‌ق نيوز/ بانك ناوده‌وڵه‌تى عراقى، ئاشكراى داين ده‌يان مليار وه‌ بانكه‌يل كرد ئه‌را سازكردن پرووژه‌يل ئه‌را هاووڵاتيه‌يل.

 

بانك ناوده‌وڵه‌تى له‌ به‌ياننامه‌يگ ئه‌را شه‌فه‌ق نيوز وت: له‌ ده‌سوه‌پييكردن به‌شداريه‌و له‌ پشتگيرى ئابوورى عراقى ده‌سپيشخه‌رى ئه‌كريه‌ێد وه‌ داين يه‌ك تريليۆن دينار ئه‌را ه‌مويلكردن پرووژه‌يل بويچگ و نيمچه‌ گه‌ورا، ئه‌ويش وه‌ داينى وه‌ بانكه‌يل به‌شدار له‌ى ده‌سپيشخه‌ريه‌ و هه‌ر وه‌و خاريشه‌ زياتر له‌ 33 مليار دينار له‌ماوه‌ى ساڵ 2018 داگه‌ ئه‌را قه‌رز وه‌و هاووڵاتيه‌يله‌ ك مه‌يل دامه‌زرانن پرووژه‌يل تازه‌ ديرن.

 

به‌ياننامه‌گه‌ يه‌يش ده‌رخست و وت: جه‌م ئه‌و پويله‌ ك درياسه‌ بانكه‌يل له‌ ده‌سوه‌پيكردن ده‌سپيشخه‌ريه‌گه‌ له‌ ساڵ 2015 تا 31 / 12 / 2018 ره‌سيه‌سه‌ زياتر له‌ 73 مليار دينار و  ئه‌و پرووژه‌يليشه‌ دابه‌ش كريانه‌ له‌بان كه‌رته‌يل جياجيا ك له‌تى ريژه‌ى كه‌رته‌يل وه‌ى جووره‌سه‌: بازرگانى 59% و خزمه‌تگوزاريه‌يل 25% و پيشه‌سازى 12% و كشتوكاڵى 4%.

YesIraq