2019-02-28 07:24:00

شه‌فه‌ق نيوز/ بانك رافده‌ين ئاگادار دام و ده‌زگايه‌يل كرد كارمه‌نده‌يليان پابه‌ند بكه‌ن وه‌ داينه‌وه‌ى ئه‌و قه‌رزه‌يله‌ ك ها له‌ زمه‌تيان.

 

له‌ى باوه‌ته‌و، نويسينگه‌ى ره‌سانن بانك رافده‌ين له‌ به‌ياننامه‌يگ وت: بانكه‌گه‌ دروشميگ ديرێد ك ئمساڵ ساڵ پاكه‌وكردن قه‌رزه‌يل و هاوردنه‌وه‌ى قه‌رزه‌يل دوياخرياگه‌ ك ها له‌زمه‌ت هاووڵاتيه‌يل و كارمه‌نده‌يل ك دوياكه‌فتن له‌ داينه‌وه‌ى، ئه‌ويش ئه‌را دويرگرتنيان له‌ رێ وشوونه‌يل ياسايى وه‌ بوونه‌ێ ئه‌وه‌گ زه‌ره‌د ره‌ساننه‌سه‌ دارايى گشتى.

 

جێ باسه‌، به‌ياننامه‌گه‌ داوايش له‌ دام و ده‌زگايه‌يل كرد پابه‌ند بوون وه‌ قه‌وڵه‌يل ئمزاكرياگ وه‌ل بانكه‌گه‌و هه‌قه‌يل بانكه‌گه‌ له‌ مووچه‌ێ كارمه‌نده‌يل بووڕن وه‌گووره‌ى ئه‌و ريككه‌فتنه‌يله‌ ك ئمزا كريا، وه‌نا شكايه‌ت دژيان ئه‌را دادگا به‌رزه‌و ئه‌كريه‌ێد.

YesIraq