ئیران دویا پەلەمارەیل داعش لە عیراق وە بڕیار دەرکردن ئەمریکا بەسێدەو

Category: هــــه‌واڵ عــیراق

Date: 2020-05-04T16:59:55+0000
ئیران دویا پەلەمارەیل داعش لە عیراق وە بڕیار دەرکردن ئەمریکا بەسێدەو

شەفەق نیوز/ عەباس موسەوی قسەکەر وەناو وزارەت دەرەوەی ئیران، باوەت پەلامار داعش لەبان هێزەیل حشد شەعبی بەسادەو وە بڕیار پەڕلەمان عیراق ئه‌را دەرکردن هێزەیل بیگانە لە وڵات. وتیش ک ئیران لەنزیکەو چەودێری وه‌زع مەیدانی عیراق کەێد، هه‌میش باس لە نیگەرانی خوەی كرد لە هاتنەوەی چالاکیەگان داعش لەی وڵاتە.
موسەوی لە باوەت هاتنەوەی چالاکیەیل داعش لە عیراق، و پەلامار دویاینی لەبان هێزەیل حەشد شەعبی وت: شایەت ئی کارە وڵامیگ بود لەبان داواکاری میڵەت عیراق وبڕیار ئەنجومەن نوێنەره‌یل وە دەرچین هێزەیل بیگانە لە عیراق ، ک ئەمریکا خوازێد بویشێد ئەگەر خوەی لە عیراق نەود، ئارامی لە عیراق نیە.
وتیش ک داعش هیمان لە بڕیگ لە ناوچەیل عیراق هەسەی وچوینکە ئەمریکا ها ژیر جەخت میلەت عیراق، خوازێد لە ری وەهێزکردن داعشەو دەسپیچگ ئه‌را مەنینی یا دیر دەرچگنی لە عیراق پەیا بکەێد، ودووپاتەو کرد ک ئیران ئەوەسە هەڵوێست خوەی ئاشکرا کەێد، وە وساننی وەگەرد حكومەتو میلەت عیراق.
لەو باوەتیشەو دیاری کرد؛ ک مەرزەیل ناوبەین ئیران و کوردستان وازن وئاڵشت بازرگانی دیرن، وەلی ئەو مەرزەیل تر بەسیانە وەبونی روەش کۆڕۆنا. گشت وڵاتەیل هاوسا ئامانجیانه‌ و خوازن سنوورەیل بکریەنەو، وە گەرد چەودێری مەرجەیل تەندروسی.

related