ئۆپراسیۆن سەربازی عراقی لەبۆشاییەگەی ناوبەین پێشمەرگە و هێز فیدڕاڵی

Category: هــــه‌واڵ عــیراق

Date: 2020-07-11T09:33:44+0000
ئۆپراسیۆن سەربازی عراقی لەبۆشاییەگەی ناوبەین پێشمەرگە و هێز فیدڕاڵی

شەفەق نیوز/ ئمڕوو شەممە، سوپای عراق دەسکردە ئۆپراسیۆن سەربازی پاڵەوانەیل عراق/ قۆناغ چوارم، لەبان پارچە سنوریەگە وەگەرد ئیران، لە ناوچە بۆشاییەگان ناوبەین هەێزەیل فیدڕاڵی و پێشمەرگە.
فەریق روکن عەبدولئەمیر کامل شەمەری جیگر فەرماندەی ئۆپراسیۆنە هاوبەشەگان لە بەیاننامەیگ رەسیە ئاژانس شەفق نیوز وت: شەفەق ئمڕوو، ئۆپراسیۆن پالەوانەیل عراق/ قۆناغ چوارم دەسکردەپی ئەرا وەشوونکەفتن جیماگەیل تیرۆرست، و چەسپانن ئاسایش و ئارامی لە پارێزگای دیالە، وەگەرد ماڵین و وەشکین پارچە سنوریەگە وەل ئیران، و وەناوچگن ئەرا ناوچەیلیگ ک د اعش وەکاری هاوردیاد ئەرا جیوەجیکردن کارەیل تیرۆرستانە، ك ئەو ناوچەیلەسە لەناوبەین هێزەیل فیدڕاڵی و هێزەیل پێشمەرگە.
شەممەری ئاشکراکرد؛ ئی ئۆپراسیۆنە وە فەرمان سەرۆک وەزیرەیل فەرماندەی گشتی هێزە چەکدارەیل، وەسەرپەرشتی فەرماندەی ئۆپراسیۆنە هاوبەشەگان دەسکردەپی .
وتیش؛ ئۆپراسیۆنەگە لەی قۆناغە روبەریگ کەیدە ئامانج وە پیه‌نای ١٧٦٨٥ کلم٢ ، و هێزەیلیگ لە '' فەرماندەی هێزەیل زەوی، فەرماندەی ئۆپراسیۆن دیالە، فەرماندەی ئۆپراسیۆن سەڵاحەدین، فەرماندەی ئۆپراسیۆن سامەڕا، فەرماندەی پۆلیس فیدڕاڵی، هێزەل بەرسف خێرا، هێزەیل حەشد شەعبی، دوو لیوا لە هیزە تایبەتەگان، لیوای هەیشتم هێزەیل سنور، دەزگای دژەتیرۆر/ فەرماندەی دویەم ئۆپراسیۆنە تایبەتەگان، فەوج دژەتیرۆر سلێمانی، فرماندەی پۆلیس پارێزگای دیالە لەلی بەشداربوون ، وە پشتگیری سوپا و هێز ئاسمانی و فڕۆکەوانی هاوپەیمان ناودەوڵەتی.
جیگر فەرماندەی ئۆپراسیۆنە هاوبەشەگان دیاری کرد؛ ئی ئۆپراسیۆنە جیوازی دیرێد لە ئامانجەیل گرنگ و تایبەت وەگەرد ئۆپراسیۆنەیلیگ تایبەت.
لە دویا بەیاننامە، فەرماندەی ئۆپراسیۆنە هاوبەشیەگان خەوردا ک هێزەیلیگ تایبەت و هێزەیگ پاڵپشتی، شەفەق ئمڕوو دەسکردنە هەڵمەت لەبان ئامانجەیلیگ دیاری کریاگ، وەگورەی زانیاریه‌یلیگ لەناو پارێزگای دیالە، وئاماژەدا ک ئۆپراسیۆنەگە وەردەوامە.
هەمیش لە بەیاننامەیگ تر دیاری کرد ؛ هیزەیل بەرسف خێرا و حەشد شەعبی چینە ناو مەرزە سنوریەگان مەنەلی و مەنزەریە ، وکۆنتڕۆڵ خوەیان وەشیەوەیگ تەواوەتی لەبانیان چەسپانن و وەشکاننەیان، وئاماژەدا وە تەرخان کردن هێزەیلگ ئاماده‌ و وەجیهاوردن ریکارەگان وەگورەی یاسا، و چەسپانن سەروەری دەوڵەت. وتیش: ئی ئۆپراسیۆنە لەبان فەرمان سەرۆک وەزیران هات، وەهاووەختی وەل ئۆپراسیۆن پالەوانەیل عراق/ قۆناغ چوارم.
سەرچەوەیلیگ فەرمی، نیمەروو دویەکەی جمعە، خەوەر دانە ئاژانس شەفەق نیوز وە رەسین هێزەیلیگ لە بەرسف خێرا سەروە پارێزگای دیالە ئه‌را مەرز مەنەلی و مەنزەریە هاوسنوور ئیران.
حکومەت عراق لە ئادار گوزەیشتە، ئەرا نواگردن لە بڵاوبوین ڤایڕۆس کۆڕۆنا وەرەو خاك عراق بڕیاردا وە بەسانن گشت مەرزە سنووریەگان.

related