2019-12-23 07:14:10

شه‌فه‌ق نيوز/ ده‌مه‌و شه‌وه‌كى ئمڕوو ئۆپراسيۆنيگ فراوان سه‌ربازى له‌ جزيره‌ى حه‌زه‌ر له‌ باشوور خوه‌رئاواى شار موسڵ له‌وه‌ر راوناين پاشماوه‌يل ريكخرياگ تيرۆريستى داعش ده‌سوه‌پيكرد ك له‌ى دوياخره‌ چالاكى داشتن له‌ چه‌ن شوونيگ له‌ پاريزگاى نه‌ينه‌وا.

 

له‌ى ئۆپراسيۆنه‌ ليواى 44 و ليواى 25 له‌ حه‌شد شه‌عبى و ليواى 21 و 43 له‌ سوپاى عراقى و هيزه‌يل تر و ئه‌ندازيارى مه‌يدان و ئه‌ندازيارى سه‌ربازى سه‌ر وه‌ ده‌سه‌ى حه‌شد شه‌عبى به‌شدارى ئه‌كه‌ن.

 

له‌ى باوه‌تيشه‌و سه‌ربازيگ وه‌رپرس ئه‌را شه‌فه‌ق نيوز وت: ئامانج له‌ى ئۆپراسيۆنه‌ ك ده‌مه‌و شه‌وه‌كى ئمڕوو ده‌سوه‌پيكردگه‌ له‌ جزيره‌ى حه‌زه‌ر و ناوچه‌يل ده‌ورگردى ئه‌وه‌سه‌ ك پاشماوه‌يل ريكخرياگ داعش راو بنريه‌ێد و ناوچه‌گه‌ له‌ليان پاكه‌و بكريه‌ێد.

}