2018-11-18 17:52:00

شه‌فه‌ق نيوز/ ئبراهيم محه‌مه‌د ره‌زا زاده‌ وه‌رپرس غورفه‌ى عراق و راوێژكار وه‌رين بازرگانى ئيرانى، ئاشكراى ئه‌وه‌ كرد ك 21 له‌سه‌د له‌ هه‌نارده‌يل كاڵايه‌يل ئيرانى وه‌ره‌و عراق ئه‌چێد و ته‌نيا يه‌ك له‌سه‌د له‌و وڵاته‌و هاورده‌ى ئيران ئه‌كريه‌ێد.

 

ره‌زا زاده‌ له‌ سيمينار چالاكوانه‌يل ئابوورى و بازرگانى ئه‌را پاريزگاى ئه‌لبورز و عراق له‌ چوارچيوه‌ى نمايشگاى توانايه‌يل پاريزگاى ئه‌لبرز وت: به‌ش ئيران له‌ بازاڕ عراق روێ له‌ به‌رزێ ئه‌كاو بايه‌سيشه‌ گرنگى وه‌ دو مه‌سه‌له‌ى سه‌ره‌كى بدريه‌ێد ك ئه‌وانه‌يش وه‌ناوچگن بازاڕه‌يل عراقى و مه‌ندنه‌ له‌ناويان.

 

جى باسه‌، ره‌زا زاده‌ هه‌ميش وت: مه‌ندنه‌وه‌ له‌ بازاڕ عراق هه‌وه‌جه‌ وه‌ تۆماركردن يه‌كه‌يل وه‌به‌رهاوردن ئه‌كا، چوينكه‌ ئه‌وانه‌گ ته‌ماشاى پيشكه‌شكردن خزمه‌تگوزاريه‌يل له‌ عراق ئه‌كه‌ت تواناى ئداره‌ى پرووژه‌يل نه‌يرن له‌ دويره‌و.

YesIraq