2019-05-11 11:44:57

شه‌فه‌ق نيوز/ شه‌هريار حه‌يده‌رى وه‌ڕيه‌وبه‌ر گشتى كاروبار مه‌رز له‌ وه‌زاره‌ت خارجيه‌ى ئيرانى، ئاشكراى كرد ده‌روازه‌ى خوسره‌وى له‌ پاريزگاى كرماشان له‌ خوه‌رئاواى وڵاته‌گه‌ وه‌رانوه‌ر ده‌روازه‌ى مونزريه‌ له‌ پاريزگاى دياله‌ له‌ ديم عراقه‌و، وه‌ مانگيگ وه‌رجه‌ زياره‌ت ئه‌ربه‌عين ئه‌ركريه‌ێده‌و.

 

حه‌يده‌رى ئه‌را ئاژانس فارس ئه‌وه‌ ده‌رخست ك له‌چوارچێوه‌ى پيشبينيه‌يل زيايبوين له‌ شماره‌ى زياره‌تچيه‌يل له‌وه‌ر نه‌مه‌ندن ڤيزا ك ئه‌چن وه‌ره‌و زياره‌ت ئه‌را عراق ئاسانكارى ئه‌را گه‌شت زياره‌تچيه‌يل بكريه‌ێد.

 

حه‌يده‌رى ئاماژه‌ وه‌ قه‌ره‌باڵغى مه‌رزه‌يليش كرد وه‌رجه‌ هاتن زياره‌ت ئه‌ربه‌عين له‌ ساڵه‌يل وه‌رين و وت: هه‌رچه‌نى ئيران له‌ ساڵ گوزه‌يشت ئاماده‌گى خوه‌ى نيشاندا، وه‌لێ ده‌روازه‌ى خوسره‌وى له‌وه‌رده‌م زياره‌تچيه‌يل واز نه‌كرد و ته‌نيا له‌ڕێ مه‌رزه‌يل ميهران و شه‌لامچه‌و جه‌زابه‌وه‌ رێ وه‌ زياره‌تچيه‌يل دريا، وه‌لێ ئمساڵ ده‌روازه‌ى خوسره‌وى واز ئه‌كريه‌ێد و حكومه‌ت عراقييش ئاماده‌گى خوه‌ى ده‌رخستگه‌ ئه‌را ئى مه‌سه‌له‌.

YesIraq