2019-09-26 18:56:24

شه‌فه‌ق نيوز/ ئه‌ميندار گشتى غورفه‌ى بازرگانى هاوبه‌ش ئيرانى عراقى, ئاشكراى ئه‌وه‌ كرد حاڵ حازر ئيران له‌ پله‌ى يه‌كه‌مه‌ له‌ هه‌نارده‌كردن كاڵا ئه‌را بازاڕه‌يل عراقى.

 

له‌و باوه‌ته‌و، حه‌ميد حسه‌ينى له‌ وته‌يگى له‌ ديدار "ديدار بازرگانى وه‌ل عراق و ئاسوو 2020" وت: بازرگانه‌يل ركابه‌ر له‌رێ وازكردن نويسينگه‌يل له‌ عراق هه‌وڵ وه‌ده‌سهاوردن پله‌ى يه‌كه‌م ئه‌يه‌ن له‌ى بازاڕه‌و هه‌نارده‌يل كاڵاى ئيرانييش جوور شيره‌مه‌نى و سه‌ياره‌و كه‌ره‌سه‌ته‌يل تر بيناسازى پله‌ى خاسيگ وه‌ده‌سهاوردگه‌و يه‌يش ده‌رخست ك 25 كۆمه‌ڵه‌ كاڵاى ئيرانى ده‌سنيشان كرياگه‌ له‌لايه‌ن به‌رژه‌وه‌ندى گومرگه‌يل ك هه‌نارده‌ى عراق ئه‌كريه‌ێد.

 

جى باسه‌، حسه‌ينى باس له‌وه‌يش كرد ئيران هه‌وڵ دامه‌زرانن شاره‌يل پيشه‌سازى هاوبه‌ش ئه‌ياد وه‌ل عراق و له‌ڕێ ئه‌و شاره‌يليشه‌ هه‌وڵ هه‌نارده‌ى كاڵايه‌يلێ ئه‌ياد ئه‌را وڵاته‌يل تر.

FaceIraq
}