2019-02-01 08:21:00

شه‌فه‌ق نيوز/ حكومه‌ت ئوسترالى جه‌خت له‌وه‌ كرد ك په‌لاماريگى له‌ عراق ئه‌گه‌ره‌يل ئه‌وه‌ له‌لێ ئه‌كريه‌ێد بويه‌سه‌ هووكار كوشيان مه‌ده‌نيه‌يل، ئه‌ويش دوياى په‌يجوورييگ ك ئه‌را ماوه‌ى ساڵێگ دريژه‌ داشتگه‌.

 

له‌ى باوه‌ته‌و، وه‌زاره‌ت وه‌رگرى باس له‌وه‌ كرد ك دو ته‌ياره‌يل ئوسترالى له‌ شيواز سوپه‌ر هۆرينت بۆردومان باڵه‌خانه‌يگ كردنه‌و ويرانى كردنه‌ دوياى ئه‌وه‌گ هيزه‌يل ئاسايش عراقى دوا له‌ليان كردگه‌ په‌لامار ناوچه‌يگ بيه‌ن له‌ خوه‌رئاواى موسڵ ك چه‌كداره‌يل داعش له‌تى وجوود داشتنه‌.

 

له‌و باوه‌ته‌و، زانياريه‌يليگ دياريكرياێ نه‌وێ ئه‌را ئه‌وه‌گ هاووڵاتيه‌يل مه‌ده‌نى له‌ناو ئه‌و باڵه‌خانه‌ بوينه‌ ك گيرياسه‌ ئامانج، وه‌لێ وه‌زاره‌ت وه‌رگرى وت: له‌و وه‌خته‌يله‌ مه‌حاڵ بويه‌ له‌و بارودوخه‌ ته‌ئكيد بكرياتاد له‌ وجوود مه‌ده‌نيه‌يل.

 

جى باسه‌، ميل هۆبفيلد سه‌ركرده‌ له‌ هيز ئاسمانى له‌ به‌ياننامه‌يگ وت: ره‌سيمنه‌سه‌ ئه‌و ئه‌نجامه‌ ك له‌و بۆردومانه‌ هاووڵاتيه‌يل مه‌ه‌نى كوشيانه‌، ك يه‌يش جى داخه‌ ئه‌رامان و ئيمه‌يش هويچ مه‌قسه‌ديگ له‌ كوشتن مه‌ده‌نيه‌يل نه‌ياشتيمنه‌، يه‌يش له‌وه‌ختيگ مه‌زنه‌ى ئه‌و كوشياگه‌يل مه‌ده‌نيه‌ له‌ناونى شه‌ش و 18 كه‌س كريه‌ێد.

YesIraq