2019-01-23 06:52:00

شه‌فه‌ق نيوز/ عاليه‌ نسه‌يف ئه‌ندام ئه‌نجومه‌ن نوێنه‌ره‌يل, داوا له‌ وه‌زير بازرگانى كرد رێ وشوونيگ بنه‌ڕه‌تى له‌ كارت خوه‌راك له‌وه‌ر بگرێد له‌ڕێ ئاڵشتكردن وه‌ڕيه‌وبه‌ره‌يل به‌شه‌يل وه‌رپرس له‌بان مادده‌يل خوه‌راك و ئه‌وانه‌ دويره‌و بخه‌ێد ك له‌سه‌رده‌م وه‌زير وه‌رينه‌و وجوود ديرن.

 

نسه‌يف له‌ به‌ياننامه‌يگ له‌لايه‌ن نويسينگه‌ ره‌ساننه‌گه‌يه‌و ئه‌را شه‌فه‌ق نيوز وت: هاووڵاتى عراقى ئوميد ئه‌وه‌ داشت له‌لاى وه‌زير تازه‌ى بازرگانى ژيان ئه‌را كارت خوه‌راك بارێده‌و ك گه‌ناته‌كارى فريه‌يگ له‌تى كريا له‌ ماوه‌ى گوه‌زيشت ك له‌يوا وه‌پى هاتگه‌ هويچ قيمه‌تيگى نه‌مه‌ندگه‌ و ته‌نيا گه‌ناته‌كاره‌يل نه‌ف له‌لى وه‌رئه‌گرن.

 

ئه‌و ئه‌ندام په‌رله‌مانه‌ هه‌ميش وت: ئوميده‌واريم وه‌لاى كه‌مه‌و وه‌ڕيه‌وبه‌ره‌يل به‌شه‌يل(ئارد، برنج و گه‌نم) له‌ كومپانياى بازرگانى دانه‌وێڵه‌ ئاڵشت بكريه‌ن وه‌ل ئاڵشتكردن وه‌ڕيه‌وبه‌ره‌يل( روين و شه‌كه‌ر و شير مناڵه‌يل) له‌ كۆمپانياى گشتى بازرگانى مادده‌يل خوارده‌مه‌نى.

YesIraq